УИХ-ын гишүүн Б.Гарамгайбаатарыг Газрын тухай хуультай холбоотойгоор нэр хүндэд нь халдаж, дарамтлах болсон байна. Тэрбээр энэ талаараа дөнгөж сая мэдээлэл хийлээ. Тодруулбал, Өчигдөр Б.Гарамгайбаатар гишүүн  Засгийн газрын "11 11" төвд ажиллаж, Газрын тухай хуулийн талаар иргэдэд тайлбар өгсөн юм. Тэр үеэр  Газрын тухай хуультай холбоотой асуудал ярьж, үл мэдэгдэх утаснаас түүн рүү янз бүрээр дайрч давшжээ.  Энэ талаар тэрбээр "Амь насанд  чинь халдана, 2008 оны долдугаар сарын 1 шиг үйл явдал зохион байгуулна гэсэн утгатай мессеж байнга явуулж байна. Энэ мессеж явуулж байгаа хүмүүсийг турхирч байгаа хүмүүс бий. Тиймээс энэ асуудлыг цагдаагийн байгууллагаар шийдвэрлүүлэх хүсэлтээ өгөхөөр болсон" гэсэн юм.

 
Түүний хэлж буйгаар  Газрын тухай хууль ярьж эхэлснээс хойш УИХ-ын гишүүн Б.Гарамгайбаатарын гар утас руу 966614.. дугаараас “Буудна шүү, 2008 оны  долдугаар сарын 1-ний үйл явдлыг зохион байгуулна" гэсэн мессеж удаа дараа ирж байгаа гэнэ.