УИХ-ын гишүүн Р.Амаржаргал блогтоо Эдийн засгийн хямралаас гарах зарим нэг санааг бичжээ. Түүний бичсэн гаргалгааг бүрэн эхээр нь хүргэж байна. Хоёр жил хямралгүй, хачин сайхан байгаа мэт ярьж байсан. Өнөөдөр хямралд гүнзгий автагдсан мэт ярих юм. Хямралын уг сурвалжийг дэлхийн эдийн засаг гэжээ. Дэлхийн гэхээсээ хөршүүдийн эдийн засаг гэх нь оновчтой. Гэхдээ Хятадын эдийн засгийн байдал манайхыг доргиох хэмжээнд хямраагүй. Дэлхийн эдийн засгийн хүрээнд бүтцийн томоохон өөрчлөлт явагдаж байгаа нь түүхий эдийн үнээр илэрхийлэгдэж байгаа
Эдийн засгийг тогтвортой өсгөх үүргийг засгийн газар хариуцна. Харамсалтай нь өнөөгийн байдал, тун зөөлөн хэлэхэд сэтгэлд хүрэхгүй байна. Эдийн засгийн үндсэн үзүүлэлтүүд бүгд уруудаж, банк санхүү, ялангуяа өрийн асуудал түгшүүр зарлах хэмжээнд дөхлөө.
Төр засагт итгэх итгэл алдарч байна. Цаг, боломж алдсан. 2-3 жилийн өмнө хэрэгжүүлж болохуйц олон алхмууд өнөөдөр хумигдсан. Зүүрлэвээс эмээр эмчлэх боломж алдагдаж, хагалгаа хийхээс өөр аргагүй болов. Өвчтөнөө эмчлэхгүй удааж, хагалгаанд ороход хүргэсэн эмч нар хариуцлага хүлээх ёстой.
Засгийн газар эрхбиш хөдлөөд байгаа мэт боловч
a) реклам улс төр нь хэтэрсэн
b) цөмөө олж харахгүй өнгө дагасан
c) өөрсдийн санхүү эдийн засгийн ашиг сонирхлыг эхэнд тависан
d) ихэнхи тохиолдолд энгийн мэдлэг, туршлага дутсан байдалтай байна.
Зүүрлэвээс оркестр симфони тоглохоор суугаад чаддаг хэсгээ л тоглоод байгаа мэт. Удирдаач партетураа уншиж мэдэхгүй. Хөгжимчид мөн адил. Симфони нету.
Дүгнэвэл эдийн засгийн өсөлт саарсан, хямрах эрсдэл нэмэгдсэн байна. Гадаад орчин гм бусдад нялзаах түлхэх хэрэггүй.
Эдийн засгийг “мөнгөөр угжих” аргаар шийдэл олох гэсэн нь бүтэлгүйтсэн. Засгийн газар ямарч уялдаагүй, эзэнгүй (хяналтгүй), сонирхолын бүлэглэлд шууд утгаараа хөтлөгдөж гуван триллион төгрөг + 1.5 миллард доллар цацсан.
Засгийн газар болоод аж ахуйн нэгж, айл өрхийн санхүүгийн байдал тун муу байна. Харилцан, бие биендээ сөргөөр нөлөөлж, уруудуулсан чөтгөрийн тойрог үүсгэж байна.
Энэ янзаар бол санхүүгийн байдал улам доройтно, төсөв улам бүр тогтворгүйтнэ. Инфляцийн аюул дахиад нүүрлэж байна.
Шийдэл: УИХ, Засгийн газар цэгцтэй шаталсан шийдвэрлэг алхам хийх ёстой.
Улс төржисөн биш, цэгцтэй, гүнзгий бодлого бүтэц зохион байгуулалтын арга хэмээ байх ёстой. Бүтэц зохион байгуулалтын өөрчлөлт нь бодлогоо илэрхийлсэн, тусгасан байх юм.
Нэн тэргүүнд төсвийн сахилга тогтвортой байдлыг хангах ёстой.
Мөн
• Зургаан төсөв байж таарахгүй.
• Төсвийн тэлэх хумих бодлогыг туйлширалгүй тэнцвэртэй хэрэгжүүлэх.
• Өрийн хязгаарыг чанд сахих.
• Мөнгөний бодлогыг идэвхитэй ашиглах хэрэгтэй.
Зорилт: Богино хугацаанд бизнесийн орчинг сэргээх, ажлын байр бий болгох хэрэгтэй бол урт хугацаанд өрийг хяналтанд оруулах, банкны өрийн эрсдэлийг шийдвэрлэх ёстой юм.
24tsag.mn
