"Давхар дээл"-тэй мөн салбарын бус хэмээн хүмүүсийн шүүмжлэлийг хүртээд байсан Үйлдвэр хөдөө, аж ахуйн шинэ сайд Ш.Түвдэндоржид Ерөнхийлөгч хориг тавьж магадгүй гэсэн яриа байсан. Тэгвэл Ерөнхийлөгч түүнд хориг тавиагүй ба өнөөдөр Ш.Түвдэндоржийг хүлээн авч уулзсан байна.

Ерөнхийлөгчтэй уулзах хүсэлтийг Үйлдвэр хөдөө аж ахуйн сайд Ш.Түвдэндорж өөрөө тавьжээ.

Уулзалтын үеэр Ерөнхийлөгч Ц.Элбэгдорж энэ том салбарыг унагалгүй нэр хүндтэй авч явахыг хүсээд цаашид хийх ажлаараа өөрийгөө илүү сайн харуулаарай хэмээн ажилд нь амжилт хүсчээ.