Бие даагчдын бүлгээс мэдээлэл хийлээ. Мэдээллийг Ц.Даваасүрэн гишүүн ганцаараа өгөв. Учир нь УИХ-ын гишүүн С.Ганбаатар, Х.Болорчулуун нар гадаадад болон хөдөө орон нутагт томилолттой яваа аж. Тус бүлэг хуралдаад Зөвшөөрлийн тухай хуулийн төслийг дэмжихээр болсон байна. Монгол улсад зөвшөөрөл олгох эрх бүхий нийт 54 байгууллага байдаг. Тус байгууллагууд нийт 900 гаруй зөвшөөрлийг аж, ахуй нэгжүүдэд олгодог байна. Тиймээс дээрх зөвшөөрлийн тоог цөөлж байгаа нь сайн хэрэг хэмээн үзээ байгаа аж. Гэхдээ Тэмдэгтийн хураамжийн тухай хуульд өөрчлөлт оруулж нэн ховор ургамлаар хийсэн түүхий эдийг хураамжгүйгээр хил нэвтрүүлэх гэж буйг болиулах хэрэгтэй гэв.
Мөн Эмийн талаар төрөөс баримтлах бодлогыг дэмжиж байгаа бөгөөд эмийн зохистой хэрэглээний талаар иргэдэд боловсрол олгох хэрэгтэй гэсэн юм.
Бие даагчдын бүлэг Төрийн болон орон нутгийн өмчийн хуулийн өөрчлөлтийг дэмжихгүй байгаа аж. Учир нь дуудлага худалдааг зохион байгуулахаас нэг сарын өмнө олон нийтэд мэдээлдэг байсныг 14 хоног болгон багасгаж байгаа нь хэсэг бүлэг хүмүүст зориулсан үйл ажиллагаа болно гэлээ. Дуудлага худалдаа болох талаар 30 хоногийн өмнө мэдээлвэл иргэд тухайн обьектийн талаар бүрэн судлах боломжтой, харин 14 хоногийн хугацаанд ямар ч мэдээлэл авч амжихгүй. Зөвхөн тухайн обьектийн талаар мэдээлэлтэй эрх мэдэл бүхий хүмүүст таатай боломж бүрдэнэ гэв.
Бие даагч гишүүд Стратегийн орд газарт төрийн эзэмших хувь их байх тусам иргэдэд очих баялагийн хэмжээ нь ихэснэ гэж үзэж байна. Үүнээс гадна үйл ажиллагаа эрхлэх лицензээр дамжуулан өмчилнө гэсэн заалт оруулж байгаа нь зарим орд газруудыг гадаадын өмчлөлд шилжүүлэх үндэс болно. Тухайлбал энэ заалтаар "Дачин тамсаг"-ийг Хятадын талд өгөх гэсэн зорилготой цөөн хэдэн хүмүүсийн бодлого явж байгаа гэлээ.
Үүнээс гадна Ашигт малтмалын тухай хуульд өөрчлөлт оруулж хайгуулын лицензийг дахин нээх гэж байгаа тул лицензүүд хэний гарт байгааг тодруулах шаардлагатай гэсэн юм.
Хэрвээ Газрын тосны болон Ашигт малтмалын тухай хуулийн төслийг баталвал Ерөнхийлөгчийг хориг тавихыг тус бүлгээс шаардах аж. Ерөнхийлөгч хориг тавихгүй бол Үндсэн хуулийн цэцэд хандахаар төлөвлөжээ.
Мөн Эмийн талаар төрөөс баримтлах бодлогыг дэмжиж байгаа бөгөөд эмийн зохистой хэрэглээний талаар иргэдэд боловсрол олгох хэрэгтэй гэсэн юм.
Бие даагчдын бүлэг Төрийн болон орон нутгийн өмчийн хуулийн өөрчлөлтийг дэмжихгүй байгаа аж. Учир нь дуудлага худалдааг зохион байгуулахаас нэг сарын өмнө олон нийтэд мэдээлдэг байсныг 14 хоног болгон багасгаж байгаа нь хэсэг бүлэг хүмүүст зориулсан үйл ажиллагаа болно гэлээ. Дуудлага худалдаа болох талаар 30 хоногийн өмнө мэдээлвэл иргэд тухайн обьектийн талаар бүрэн судлах боломжтой, харин 14 хоногийн хугацаанд ямар ч мэдээлэл авч амжихгүй. Зөвхөн тухайн обьектийн талаар мэдээлэлтэй эрх мэдэл бүхий хүмүүст таатай боломж бүрдэнэ гэв.
Бие даагч гишүүд Стратегийн орд газарт төрийн эзэмших хувь их байх тусам иргэдэд очих баялагийн хэмжээ нь ихэснэ гэж үзэж байна. Үүнээс гадна үйл ажиллагаа эрхлэх лицензээр дамжуулан өмчилнө гэсэн заалт оруулж байгаа нь зарим орд газруудыг гадаадын өмчлөлд шилжүүлэх үндэс болно. Тухайлбал энэ заалтаар "Дачин тамсаг"-ийг Хятадын талд өгөх гэсэн зорилготой цөөн хэдэн хүмүүсийн бодлого явж байгаа гэлээ.
Үүнээс гадна Ашигт малтмалын тухай хуульд өөрчлөлт оруулж хайгуулын лицензийг дахин нээх гэж байгаа тул лицензүүд хэний гарт байгааг тодруулах шаардлагатай гэсэн юм.
Хэрвээ Газрын тосны болон Ашигт малтмалын тухай хуулийн төслийг баталвал Ерөнхийлөгчийг хориг тавихыг тус бүлгээс шаардах аж. Ерөнхийлөгч хориг тавихгүй бол Үндсэн хуулийн цэцэд хандахаар төлөвлөжээ.
Т.Энхэлээ
