УИХ-ын Эдийн засгийн байнгын хорооны хуралдаан завсарлалаа. Тус байнгын хороо үдээс өмнө хаалттай хуралдаж “Төрөөс төмөр замын тээврийн талаар баримтлах бодлогын хэрэгжилтийг хангах зарим арга хэмжээний тухай” УИХ-ын тогтоолын төслийг хэлэлцсэн юм.

Тэгвэл дөнгөж сая энэхүү хаалттай хуралдаан өндөрлөж Засгийн газраас өргөн барьсан тогтоолын төслийг хэлэлцэх нь зүйтэй хэмээн үзсэн байна. Ингэснээр “Төрөөс төмөр замын тээврийн талаар баримтлах бодлогын хэрэгжилтийг хангах зарим арга хэмжээний тухай” УИХ-ын тогтоолын төслийг УИХ-ын чуулганы нэгдсэн хуралдаанд оруулж, хэлэлцэхээр боллоо.

Тогтоолын төсөлд “Бүгд Найрамдах Хятад Ард Улстай Засгийн газар хоорондын дээрх хэлэлцээр байгуулсан нөхцөлд Тавантолгой – Гашуунсухайт, Сайншанд – Замын-Үүд, Хөөт – Бичигт чиглэлийн төмөр замын шинэ шугамыг 1435 мм-ийн царигтай, Арц суурь – Эрдэнэт, Тавантолгой – Сайншанд – Баруун-Урт – Хөөт – Чойбалсан, Хөөт – Нөмрөг чиглэлийн төмөр замын шинэ шугамыг 1520 мм-ийн царигтай барина гэж заасан байдаг юм.