Өнөөдөр МАХН байгуулагдсаны 93 жил, нэрээ сэргээсний 3 жилийн ойн өдөр тохиож байна. МАХН-ынхан баярын өдрөө гишүүд дэмжигчидтэйгээ тэмдэглэн өнгөрүүлсэн юм. Баярын арга хэмжээнд МУ-ын Шадар сайд, МАХН-ын дэд дарга Д.Тэрбишдагва, Ерөнхий нарийн бичийн дарга Г.Шийлэгдамба, Сангийн сайд Ч.Улаан, УИХ-ын Аюулгүй байдал, гадаад бодлого, байнгын хорооны дарга Ц.Цолмон, Эрүүл мэндийн сайд Н.Удвал зэрэг Засгийн газрын гишүүд, намын удирдлагууд хүрлэцэн ирсэн юм.
    Ойн баярыг нээж МАХН-ын дэд дарга Д.Тэрбишдагва үг хэлсэн бол МАХН-ын Ерөнхий нарийн бичгийн дарга Г.Шийлэгдамба гишүүд дэмжигчид хүрэлцэн ирсэн зочидод баярын мэнд хүргэж мэндчилгээ дэвшүүлсэн юм. Мөн намын дарга Н.Энхбаярын мэндчилгээг нарийн бичгийн дарга П.Цогтбаатар зочидод хүргэлээ.
Энэ өдөр МАХН-д шинээр болон гишүүнчлэлээ сэргээж байгаа 500 гаруй хүн батлахаа гардан авсан юм. Батлахыг намын Ерөнхий нарийн бичгийн дарга Г.Шийлэгдамба болно бусад удирдлагууд гардуулан өгсөн юм. Г.Шийлэгдамба “Манай намын үзэл санааг дэмжиж шинээр гишүүн болон элсэн орж байгаа хүмүүстээ талархал илэрхийлж байна. Мөн гишүүнчлэлээ сэргээж иргэн ирж байгаа хүмүүстээ хамтдаа шударга үнэний төлөө бат зогсоход таатай байгаагаа илэрхийлье. МАХН-ын хувьд зорьсон зорилгодоо хүрэхэд та бүхний минь хүч хөдөлмөр, дэмжлэг туйлын чухал юм шүү” гэлээ.