Монгол, Хонконгийн худалдааг дэмжих, Монгол, Хонконг, Хятад, Зүүн-Өмнөд Азийн зах зээлүүдийн боломжийг сурталчлан гишүүддээ дэмжлэг үзүүлэх, Монгол, Хонконгийн Засгийн газруудад гишүүдийнхээ санал, санаачлагыг уламжлах замаар хоёр талын харилцааг улам бэхжүүлэх зорилготой Хонконг дахь Монголын Худалдааны танхим байгуулагдан үйл ажиллагаагаа эхэллээ.Танхимыг Монгол Улсын Ерөнхийлөгч Ц.Элбэгдорж “Дэлхий 2014 онд” олон улсын эдийн засгийн арга хэмжээнд оролцохоор Хонконгт өнгөрсөн оны 11 дүгээр сард хүрэлцэн ирсэн үеэр Монгол, Хонконгийн бизнес эрхлэгчдийн форумыг Монголын Ажил олгогч эздийн холбоотой хамтран амжилттай зохион байгуулсан Хонконгт бүртгэлтэй, сайн дурын үндсэн дээр үйл ажиллагаа явуулдаг “Монголиа Клуб”-ын үүсгэн байгуулагчид Хэнри Ли, хуульч Виктор Ян, Хонконгт Монгол Улсын анхны Ерөнхий консулаар ажилласан Я.Ариунболд нарын хонконг, монгол хүмүүс санаачлан Хонконгийн хуулийн дагуу албан ёсоор саяхан бүртгүүлсэн юм гэж Хонконг дахь Монгол Улсын Ерөнхий консулын газар мэдээлэв.
