УИХ-ын нэгдсэн чуулганаар "Төрөөс төмөр замын тээврийн талаар баримтлах бодлогын хэрэгжилтийг хангах зарим арга хэмжээний тухай”  тогтоолын төслийг хаалттай хэлэлцэж эхэллээ. Уг тогтоолын төслийг Засгийн газраас зургадугаар сарын 18-ны өдөр өргөн мэдүүлсэн. Гол агуулга нь төмөр замын царигийн асуудал ямар байх талаар юм. Хэлэлцэж эхлэх үед УИХ-ын гишүүн Б.Гарамгайбаатарын зүгээс хуралдааныг хаалттайгаар хийх горимын санал гаргалаа. Түүний саналыг гишүүдийн 50 гаруй хувь нь дэмжсэн юм.