УИХ-ын чуулганы өчигдрийн хуралдаанаар Монгол Улсын эдийн засаг, нийгмийг 2015 онд хөгжүүлэх үндсэн чиглэл батлах тухай УИХ-ын тогтоолын төсөл, Ашигт малтмалын тухай хуульд нэмэлт, өөрчлөлт оруулах тухай тогтоолын төслийг батлалаа.

Үүний дараа Гаалийн тариф, гаалийн татварын тухай хуульд нэмэлт оруулах тухай, Нэмэгдсэн өртгийн албан татварын тухай хуульд нэмэлт оруулах тухай хуулийн төслийн батлав.

Улсын Их Хурлын чуулганы хуралдаан хэлэлцэх асуудлын хуваарийн дагуу Шилэн дансны тухай болон холбогдох бусад хуулийн төсөл, Цагаан суваргын ордын төрийн эзэмшлийн хувь тогтоох тухай УИХ-ын тогтоолын төслийг эцсийн хэлэлцүүлэгт бэлтгэсэн талаарх холбогдох Байнгын хороодын танилцуулгыг сонссоны дараа санал хураалгаж эдгээр төслийг бүхэлд нь баталсан юм.

Үүгээр УИХ-ын 2014 оны хаврын ээлжит чуулган хэлэлцэх асуудлаа өндөрлөв.