С.Батболдын Засгийн газар одоогоос дөрвөн жилийн өмнө Өмнөговь аймагт хуралдаж байсан түүхтэй. Улаанбаатараас 600 км алсад байх Өмнөговь аймгийн Баяндалай сумын нутаг дахь Гашууны хоолойд хуралдсан нь Монгол улсын Засгийн газар дэлхийн уур амьсгалын өөрчлөлтөнд хэрхэн анхаарлаа хандуулж буйгаа харуулсаны жишээ. Тэгвэл Н.Алтанхуягийн тэргүүлдэг Засгийн газар энэ сарын 28-нд Хөвсгөл аймагт хуралдахаар болсон байна. Тэдний энд хуралдах болсон зорилго  нь Хөвсгөлийн төвийг нийслэлтэй хатуу хучилттай замаар холбох ажлын явцтай танилцах аж. Засгийн газрын гишүүд Булганы Хутаг-өндөр сумын Уньт багаас Хөвсгөл аймгийн Тариалан сумын чиглэлд 88, Тариалангаас Мөрөн хүртэлх 165,3 км авто замын ажлыг хэсэгчлэн гүйцэтгэж байгаатай танилцах юм байна. Уньтаас Тариалан хүртэлх замыг ирэх аравдугаар сард хүлээлгэн өгөх бол Мөрөн-Тариалан чиглэлийн замыг энэ сард багтаан хүлээлгэн өгөх аж.