Шинэчлэлийн Засгийн газар Хөвсгөл аймагт хуралдах болсон нь ард олноос ихээхэн шүүмжлэлд дагуулсан бөгөөд үүнийг зарим сайд нар үгүйсгэсэнээр асуудал түр намжсан юм.

Тэгвэл Ерөнхий сайд Н.Алтанхуяг энэ талаар байр сууриа илэрхийлжээ. Тэрээр өнгөрсөн баасан гаригт болсон “Хариуцлага, хяналт, хэрэгжилт” цахим хурлын үеэр “Хэл амнаас айж Хөвсгөл аймагт товлосон хурлаа цуцлахгүй. Ашиглалтад орохгүй олон жил болж байгаа Хөвсгөл аймгийн замын ажилтай  танилцмаар байна” гэжээ.

Ийнхүү Засгийн газрын дараагийн ээлжит хурал Хөвсгөл аймгийн Их-Уул суманд болох нь тодорхой болов. Хуралдаанд шаардлагатай төсөв мөнгийг батласнаас гадна энэ сарын 30-нд хуралдаанд оролцох ажлын хэсгийнхэн тус аймгийг зорих гэнэ.