Халх голын ялалтын ойг тэмдэглэх талаар санал солилцов

2014-8-04

Улсын Их Хурлын дэд дарга, Монгол, Оросын парламентын бүлгийн дарга Л.Цог Оросын Холбооны Улсын Элчин Сайдын яамны зөвлөх Оганов Артем Валерьвичийг өнөөдөр /2014.08.04/ хүлээн авч уулзан Халх голын дайны ялалтын 75 жилийн ойг хэрхэн тэмдэглэн өнгөрүүлэх талаар санал солилцов.

Энэхүү уулзалтад УИХ-ын гишүүн Д.Арвин, Г.Уянга, Ё.Отгонбаяр болон Монголын энхтайван, найрамдлын байгууллагын Хэрэг эрхлэх газрын дарга Р.Баярсайхан, орлогч дарга Л.Сайханцэцэг, тус байгууллагын гишүүн орнууд хариуцсан нарийн бичгийн дарга Ё.Максим нар оролцож харилцан санал солилцсон юм.

1939 онд Халх голын дайныг удирдсан Зөвлөл Холбоот Улсын маршал Георгий Константинович Жуковын тухай өгүүлсэн баримтат киног Оросын Холбооны Улсын Элчин Сайдын яам манай улсад авч ирэхээр болов. Харин Монголын энхтайван, найрамдлын байгууллага эх хэлнээ орчуулан олон нийтэд толилуулахаар тогтсон юм.

Түүнчлэн Монгол, Оросын парламентын бүлэг, Оросын Холбооны Улсын Элчин Сайдын яам, Монголын энхтайван, найрамдлын байгууллага хамтран Халх голын 75 жилийн ойн арга хэмжээг Оросын шинжлэх ухаан, соёл урлагийн төвд зохион байгуулах, Монгол, Оросын хамтарсан ерөнхий боловсролын сургуулиудад нээлттэй хичээл заах гэх мэт олон арга хэмжээ төлөвлөв хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (4)

Зочин (202.179.2.5)

Уг нь бол японы эзлэлтээс одоогийн Монгол улсыг минь хамгаалсан орос монгол цэргийн байлдаан байсан болов уу? харин японд эзлэгдээд байсан өвөрмонголын, манж гэгч нарын нутаг тэр чигтээ хятадын мэдэлд орчихсон биз дээ. Тэхээр Оросыг балай балиар гэж бичээд буй энэ нөхөр ер нь хятадад их дуртай амьтан бололтой. Одоо байгаа монголоороо ***** мэдлийн улс биш тусгаар улс болон үлдсэний баяраа хамт амь үрэгдэж, цусаа урсган явсан орос монгол цэргийн гавьяа зүтгэлийг дурсан баяр тэмдэглэх гээд байгаа юм даа.

2014 оны 08 сарын 05 | Хариулах
Зочин (103.26.193.5)

Baliar yumnuudtai hamtarch bayar temdegleh gej bgaa yum uu?

2014 оны 08 сарын 04 | Хариулах
- Балиар юмнууд гэнэ үү? Түүхийг эргүүлж болохгүй тэр балиарууд чинь Монгол оронд соёл, мэдлэг боловсрол авчирсан балиарууд байлгүй дээ.Монгол улсад минь түүхээ мэдэхгүй яасан олон түмэн сармагчин бий болчихвоо.Энэ балиар малиар гээд байгаа сэтгэгдлийг алга болгооч ахмад үе минь уурлаад байна
  
  2014 оны 08 сарын 04
- Энэ одоо юу гээд байгаа ***** вэ? Юуны баяр болохыг нь ч мэдэхгүй тэнэг юм бичдэг мангуу сармагчин байна даа
  
  2014 оны 08 сарын 04