Одоогоос яг жилийн өмнө Сангийн дэд сайд Ч.Ганхуяг, эмч Б.Болдсайхан тэргүүтэй хүмүүс “доллар 1750 хүрлээ май салаавч”, “цалингийн 25 хувийг үнэгүйдүүллээ май салаавч” хэмээн эсэргүүцлээ Сүхбаатарын талбайд илэрхийлсэн. Тухайн үед эдгээр хүмүүсийг эсэргүүцэх иргэд олон байлаа. Харин өнгөрсөн нэг жилийн хугацаанд ноён доллар 130 төгрөгөөр нэмэгдчихээд байна. Сонирхолтой нь одоо тэднийг дэмжих иргэд үй олноороо нэмэгдэв.

    Тухайн үед МАН-ын дарга М.Энхболд намын гишүүн Сангийн дэд сайд асан Ч.Ганхуягийг “боловсролтой хүн байж бүдүүлэг үйлдэл хийлээ” гэх мэтээр шүүмжилсэн удаатай. Олон хүн ийм байр суурьтай байв. Тэгвэл өнөөдөр буюу бараг жилийн дараа Сангийн дэд сайд асан Ч.Ганхуяг МАН-ын дарга М.Энхболддоо хандаж хариу байр сууриа илэрхийлж цахим хуудаснаа үлдээв. Тэрээр “М.Энхболд даргаа, доллар 1,880 боллоо. Намайг эсэргүүцэхэд та айхтар шүүмжилсэн. Одоо өөрөө 1 арга хэмжээ авна байгаа? Улстөрөө хийгээчээ!” хэмээн байр сууриа илэрхийлэв. Намынх нь дарга ямар нэгэн хариу хэлээгүй л байна.