АН-ын “Ардчилсан хүчний холбоо”-ныхон амралтын өдрүүдэд Дорнод аймгийн Буйр нуурт “Зүүн бүсийн чуулган” гэсэн албан нэртэй ч Н.Алтанхуягийн Засгийн газрыг хөдөлгөх зорилготой хурлаа хийсэн. Харин уг хуралтай давхцуулан МАХН-ынхан Архангай аймгийн Өгий нуурт “Шударга ёсны хуралдай” гэсэн этгээд нэртэй хангайн бүсийнхнийхээ хурлыг хийжээ. Хурлаар Социал демократ үзэл баримтлалыг сурталчилсан гэсэн албан мэдээлэлүүд хөвөрч байна. Гэвч эх сурвалжийн мэдээлж байгаагаар бол МАХН-ын удирдлагууд нь очиж хоёр асуудлыг чухалчилан ярилцжээ.

    Нэгд улс орны эдийн засаг хүндрээд байна. Хариуцлагыг МАХН бас үүрэлцэх ёстой. Засгийн газар огцорвол МАН-тай эвсэнэ. Тиймээс Засгаас гарч болохгүй. МАН-ыг засагт оруулж болохгүй. Засгийн газрыг огцруулах ч шаардлагагүй талаар үзэл бодлоо илэрхийлэхээр тохирчээ. Хоёрдахь нь Н.Энхбаярт дахин эрүүгийн хэрэг үүсгэсэн талаар ярилцжээ. Тэд хамтран ажилладаг эрх баригч АН-ынхан нь Н.Энхбаяраар оролдох болсонд сэтгэл дундуур байгаагаа илэрхийлцгээжээ. Тиймээс Д.Тэрбишдагвад үүрэг өгч АН-ынхантай энэ асуудлаар ойлголцохыг үүрэг болгосон байна.