Засгийн газрын сайд нар албан хийгээд албан бусаар хуралдах боллоо. Тэд эдийн засаг хүндэрсэн, 100 хоногтоо олигтой ажил хийж чадаагүй зэрэгтээ ямар тайлбар хийх, нэгдсэн ойлголтод хүрэхээр гарц хайж байна. Тэгээд ч парламентад суудалгүй 10 гаруй нам нийлж Засгийн газрыг огцрохыг хоёр дахь удаагаа шаардсан. Тэдэн дээр МАН нэгдэхээр бэлтгэж байгааг ч ярилцсан байна. Улс төрийн энэ нөхцөл байдалд дүгнэлт хийж, БНХАУ-ын даргын айлчлалын дараа албан ёсоор байр сууриа илэрхийлцгээе. Тэр хүртэл тэсээд сөрөг хүчинээ аргалаад байж байя гэж тохиролцжээ. Энэ байдлаас дүгнэж үзвэл Засгийн газрын зарим сайдууд өөрсдийн хүслээр ажлаа өгч, шүүмжлэгчдийн байр суурьт шилжиж магадгүй боллоо гэж эх сурвалж мэдээлэв. Мөн өчигдөр Ерөнхий сайд бүх яамдын ТНБ-ийн дарга нарыг дуудаж “ЭЗЭН-100” хөтөлбөрийн биелэлтийг гаргахыг үүрэг өгчээ. МАН-ынхан ч “ЭЗЭН-100”-ийн биелэлтийг шаардаж байгаа юм.