“Болор цом”-ын эзэн яруу найрагч Б.Галсансүхийн “Бурханд хэлэх зөвлөлгөө” гэж бурханыг загнасан алдартай шүлэг байдаг. Түүн шиг Хүн амын хөгжил, нийгмийн хамгааллын сайд С.Эрдэнэ МАН-ынханд зөвлөлгөө өглөө. Тэрээр “МАН-ынхан 2016 онд ялалт манай талд болчихлоо гээд хэт их баярлаж хөөрч байгаа юм шиг байна. Тэдэнд ганцхан зүйлийг хэлмээр байна. Бадарчин баярлах болоогүй ээ. Битгий хөөрч баярла. Та нарын хийсэн балаг, тарьсан гай уршиг арилаагүй байгаа шүү. Энхийн цагаан тагтаа байсан юм шиг асуудалд хандахаа боль. Харин эрх баригч нартай тарьсан балгаа арилгахын төлөө хамтарч ажиллавал улс оронд хэрэгтэй. Ирээдүйд нь хэрэгтэй” гэж баахан загнав. Эрхэм сайдын зөвлөлгөөг ах намыхан авах болов уу яах бол? Эсвэл Б.Галсансүх найрагч шиг “хуцаа” гэх болов уу?