УИХ-ын гишүүн С.Дэмбэрэл МАН-ынхантай сүрхий харилцаатай байсан. Харин сүүлийн үед Н.Алтанхуягийг барааджээ. Саяхан л УИХ-ын ээлжит бус чуулганыг зарлан хуралдуул гэж орилж байсан тэрээр Шинэчлэлийн Засгийн газрыг хамгаалагч болж хувирав. Тухайлбал тэрээр ““ЭЗЭН-100 хөтөлбөр зөв байсан. Гэтэл МАН-ынхан өмнөөс нь “АРД-100” гээд л улс төржүүлээд эхэлсэн. “ЭЗЭН-100” хөтөлбөрийн хүрээнд шаардлагатай арга хэмжээнүүд авсан уу гэвэл авсан. “Одоо 100 хоног болчихлоо яасан бэ” гэж улстөржүүлэх нь хамгийн буруу үзэгдэл. Энэ Засгийн газар гар хумхилгүй ажиллаж байна л даа. Энэ тохиолдолд үргэлжлүүлээд л явах ёстой. “ЭЗЭН-100”-гаа дүгнэнэ, Н.Алтанхуягт хариуцлага тооцно, дүн тавина гээд түүнийгээ улс төр болгох гэж байгаа бол Монголын эдийн засаг, хөгжлийг хорлож байгаа алхам” хэмээн тайлбарлах болов. Өөрөөр хэлбэл Н.Алтанхуягийг огцруулбал Монголын эдийн засгийг хорлож, хөгжлийг хойш чангаасан алхам болно шүү гэж ИЗНН-ынхан мэдэгдэх болсон нь анхаарал татлаа.