Өнгөрсөн долоо хоногт АТГ Ерөнхий сайд Н.Алтанхуягийн хорих ангид очсон бичлэгийг олон нийтэд тараасан билээ. Үүнтэй холбоотойгоор Төрийн тусгай хамгаалалтын газраас АТГ-ыг Төрийн нууц задруулсан хэмээн Тагнуулын ерөнхий газарт хандсан. Тодруулбал тэд Ерөнхий сайд Н.Алтанхуяг Төрийн тусгай хамгаалалтын газрын I зэргийн хамгаалалтад байдаг ба хамгаалалттай байх үед нь нууцаар бичлэг хийн, олон нийтэд тараасан нь төрийн нууцыг задруулсан үйлдэл хэмээж байгаа.  Энэ нь Эрүүгийн хуулийн 87-р зүйл буюу төрийн нууцыг задруулсан хэрэгт тооцогдож байгаа гэсэн юм. Тэгвэл үүнд хүмүүс янз бүрийн санал сэтгэгдэлтэйгээр хандаж, өөр өөрсдийн байр сууриа илэрхийлж байгаа.

Улмаар УИХ-ын гишүүд хийгээд хэвлэл мэдээллийн хэрэгслүүд  ч тодорхой байр сууриа илэрхийлсээр.  Тэгвэл энэ асуудлаар О.Баасанхүү гишүүн "АТГ-ыг бид акул бариасай гэж хүсдэг. Харамсалтай нь АТГ акуландаа өөрсдөө бариулах шив дээ" гэжээ.

Д.Дуулим