Монгол Улсын Ерөнхийлөгчийн урилгаар манай улсад төрийн айлчлал хийж буй БНХАУ-ын дарга Си Зиньпин УИХ-ын хүндэтгэлийн чуулганд оролцож үг хэллээ.Тэрбээр "Монголын сайхан оронд 2008 онд өмнө нь ирж байхад байгаль болон хүн зоных нь зан ааш ихэд таалагдсан. Өнөөдөр Монгол Улсын Их Хуралд зочилж Та бүхэнтэй уулзаж байгаадаа их баяртай байна. Юуны өмнө миний бие Бүгд Найрамдах Хятад Ард Улсын Засгийн газар, Хятадын ард түмний нэрийн өмнөөс, мөн хувиасаа энд байлцаж буй та бүхнээр дамжуулан бүх Монголын ард түмэнд чин сэтгэлийн мэндчилгээ дэвшүүлж сайн сайхныг хүсэн ерөөе. Миний бие Монгол Улсын удирдагч нартай Хятад, Монголын харилцаа болон хамтран сонирхсон асуудлаар гүн гүнзгий санал бодлоо солилцож өргөн хүрээнд тохиролцоонд хүрсэн. Хоёр тал Хятад Монголын харилцааг иж бүрэн стратегийн түншлэлийн харилцаанд дэвшүүлэх хамтарсан Тунхаглал гаргаж 20 гаруй хамтын ажиллагааны баримт бичигт гарын үсэг зурлаа. Айлчлалын үр дүнд сэтгэл ханамжтай байна. Морины сайныг унаж мэддэг, хүний сайныг ханилж мэддэг. Хятад, Монгол хоёр улс димпломат харилцаа тогтоогоод 65 жил болжээ. Хятад, Монголын харилцаа хамгийн сайн сайханд хүрнэ гэдэгт итгэж байна. Саяхан би УИХ-ын дарга З.Энхболд, Ерөнхий сайд Н.Алтанхуяг нартай уулзлаа. Миний бие Хятад, Монголын харилцааны талаар өргөн хүрээтэй санал шийдэлд хүрлээ. Хоёр орны харилцааг Иж бүрэн стратегийн түншлэлийн харилцаанд хүргэж, хамтарсан тунхаглал гаргаж, улстөр, эдийн засгийн 20 гаруй баримт бичигт гарын үсэг зурагдлаа.
Хятад, Монголын найрсаг харилцааны гэрээний дагуу Монгол Улсын тусгаар тогтнол бүрэн бүтэн байдал, халдашгүй байдал, өөрийнх нь сонгосон хөгжлийн замыг бид хүндэтгэнэ. Бидний урт удаан хугацаанд барих үндсэн бодлого байх болно. ... Хятад, Монголын харилцаа өндөр төвшинд хүрснийг баяртайгаар тэмдэглье. Тэр дундаа өнгөрсөн 20 жилийн хугацаанд харилцаа өндөр хурдтайгаар хөгжсөнийг онцолъё. Олон улсын харилцаанд ямар ч өөрчлөлт гарсан гэлээ, стратегийн түншлэлийн харилцаа хадгалагдана.
УИХ-ын дарга З.Энхболдыг Хятадад албан ёсны айлчлал хийхийг урьж байна, Монголыг АПЕК-ын гишүүнээр элсэхийг Хятадын тал дэмжиж байна...
Хоёр тал хамтран ажиллах боломж ихтэй, ноднин жил Хятадын импортын бараа эргэлт 4 триллон ам.долларт хүрсэн бол гадаадын хөрөнгө оруулалт 500 тэрбум ам.долларт хүрсэн. Хятад улсын тасралтгүй хөгжил нь Монгол Улсад асар их зах зээл боломж олгоно. Энэ удаад би Монгол Улсад айлчилахад дамжин өнгөрөх тээвэр, далайн боомтын асуудлыг өөрт ашигтайгаар шийдвэрлэсэн. Уул уурхай, дэд бүтцийн салбарт хамтран ажиллах ажлын хэсэг байгуулж, хоёр орны худалдааны эргэлтийг 10 тэрбумд хүргэх, төмөр замын хамтын ажиллагааны талаар гүн гүнзгий ярилцан тохиролцоонд хүрлээ. Замын-Үүд, Эрээний хамтын ажиллагааны бүс байгуулах талаар санал нэгтэй байна.
Уул уурхайн бүтээгдэхүүнийг гүнзгий боловсруулахад хоёр талын хамтын ажиллагаа явуулах болно" гэлээ.
Хүндэтгэлийн чуулган өндөрлөлөө.
