Ерөнхийлөгч Ц.Элбэгдоржийн урилгаар БНХАУ-ын дарга Ши Жинпин манай улсад төрийн айлчлал хийж байна. Өчигдөр түүнийг Ерөнхийлөгч Ц.Элбэгдорж хүлээн авч уулзан хоёр улсын хооронд хамтран ажиллах гэрээнд гарын үсэг зурсан. Мөн Засгийн газар хооронд хэрэгжүүлэх 26 хэлэлцээрт гарын үсэг зурсан юм. Харин өнөөдөр түүнд Ерөнхий сайд Н.Алтанхуяг болон УИХ-ын дарга З.Энхболд бараалхсан. Үүний дараа УИH-ын хүндэтгэлийн чуулган хуралдаж уг хуралдаанд БНХАУ-ын дарга Ши Жинпин үг хэлсэн билээ. Тэрбээр мөн өнөөдөр “Хятад, Монголын худалдаа, эдийн засгийн хамтын ажиллагааг эргэн харахуйд” сэдэвт фото зургийн үзэсгэлэнгийн нээлтийн ёслолд оролцсон юм. Одоо түүнд зориулсан “Бэсрэг наадам” Чингисийн хүрээ жуулчны баазад эхэлж байна.

Монголчууд хүндэт зочноо хүндэтгэн “Бэсрэг наадам”  хийдэг билээ. БНХАУ-ын дарга Ши Жинпин өнөөдөр 17.30 цагт эх орон руугаа буцна.