Гурав хоногийн дараа хичээлийн шинэ жил эхэлж хүүхэд багачууд их ажилдаа орох нь. Өдөр хоног тулсан энэ цаг мөчид манай боловсролын салбарын байгууллагууд, их дээд, дунд сургууль, цэцэрлэг, дотуур байрууд хичээлийн шинэ жилд бэлэн үү гэсэн сэдвээр бид та бүхэнд багц мэдээллийг хүргэж байна. МУИС л гэхэд сургалтын төлбөрөө 13,7 хувиар нэмжээ. Тус сургуулийн захирал А.Галтбаярын хэлж буйгаар сургуулийнхаа сургалтын төлбөрийг инфляцийн түвшинтэй уялдуулж нэмсэн гэнэ. Мөн бусад сургуулиудын төлбөр 13 хувиар нэмэгдсэн талаар албаныхан хэлж байна. Тухайлбал, ШУТИС, ХААИС, СУИС-13 хувь, МУБИС- хувь, ЭМШУИС 20-40 хувиар нэмжээ. Өнгөрсөн жил нэг кредитийн сургалтын төлбөр 35-44 мянга байсан бол энэ жил 39-54 мянган төгрөг болж өссөн нь үүнээс харагдаж байна. Одоогоор Монголдоо хамгийн үнэтэй сургалтын төлбөртэй байгаа сургуулиудаар “ЭМ-АЙ-ЮҮ”, “Роял академи”, “Санхүү эдийн засгийн дээд сургууль” тодроод байгаа аж. Тус сургуулиудын төлбөр 4-6 сая төгрөг орчим байгаа юм. Харин бусад сургуулиудын төлбөр хэдэн төгрөгт багтаж байгааг доорх мэдээллээс харна уу.
|
№ |
Сургуулийн нэр |
Магадлан итгэмжлэлийн хугацаа |
Босго оноо |
Төлбөр төгрөгөөр |
|
|
1 |
Монгол улсын боловсролын их сургууль |
2014 |
500-600 |
990000 |
|
|
2 |
Эрүүл мэндийн шинжлэх ухааны их сургууль |
2014 |
560 |
980000-119800 |
|
|
3 |
Монгол улсын их сургууль |
2014 |
560 |
Нэг кредит нь 30800 |
|
|
4 |
Шинжлэх ухаан технологийн их сургууль |
2014 |
440 |
Нэг кредит нь 35000 |
|
|
5 |
Хөдөө аж ахуйн их сургууль |
2014 |
500 |
800000-1200000 |
|
|
6 |
Соёл урлагийн их сургууль |
2014 |
400-420 |
824000-1155000 |
|
|
7 |
Дотоод хэргийн их сургууль |
2021 |
580 |
төлбөргүй |
|
|
8 |
Хүмүүнлэгийн ухааны их сургууль |
2014 |
560 |
1500000 |
|
|
9 |
Их засаг их сургууль |
2015 |
500 |
990000 |
|
|
10 |
Орхон их сургууль |
2015 |
450 |
1200000 |
|
|
1 |
Отгонтэнгэр их сургууль |
2014 |
400 |
1040000 |
|
|
12 |
Монгол бизнес дээд сургууль |
2014 |
400 |
875000 |
|
|
13 |
Мандах бүртгэл дээд сургууль |
2015 |
400 |
1300000 |
|
|
14 |
Улаанбаатар дээд сургууль |
2015 |
400 |
900000 |
|
|
15 |
Санхүү эдийн засгийн дээд сургууль |
2016 |
620 |
1900000 |
|
|
16 |
Оточ манрамба дээд сургууль |
2016 |
460 |
1500000 |
|
|
17 |
Төмөр замын дээд сургууль |
2016 |
550 |
850000 |
|
|
18 |
Шихихутаг хууль зүйн дээд сургууль |
2016 |
550 |
1200000 |
|
|
19 |
Сэрүүлэг дээд сургууль |
2017 |
450 |
980000 |
|
|
20 |
Тэнгэр дээд сургууль |
2018 |
400 |
850000 |
|
|
21 |
Идэр дээд сургууль |
2018 |
450 |
1380000 |
|
|
22 |
Газарчин дээд сургууль |
2018 |
400 |
800000-950000 |
|
|
23 |
Улаанбаатар-Эрдэм Оюу дээд сургууль |
2018 |
450 |
900000-950000 |
|
|
24 |
Их Монгол дээд сургууль |
2019 |
400 |
850000 |
|
|
25 |
Гурван эрдэнэ багшийн дээд сургууль |
2019 |
400 |
850000 |
|
|
26 |
Соёмбо дээд сургууль |
2019 |
650 |
700000 |
|
|
27 |
Чингис хаан дээд сургууль |
2019 |
450 |
795000 |
|
|
28 |
Монголын үндэсний дээд сургууль |
2019 |
450-700 |
895000-995000 |
|
|
29 |
Сутай дээд сургууль |
2019 |
400 |
880000 |
|
|
30 |
Монгол дээд сургууль |
2020 |
400 |
750000 |
|
|
31 |
Шинэ иргэншил дээд сургууль |
2020 |
400 |
500000 |
|
|
32 |
Аварга дээд сургууль |
2020 |
400 |
750000 |
|
|
333 |
Ач дээд сургууль |
2021 |
600 |
1000000 |
|
|
34 |
Сити дээд сургууль |
2021 |
450 |
1500000 |
|
|
35 |
Хөдөлмөрийн дээд сургууль |
2021 |
400 |
950000 |
|
|
36 |
Олон улс судлалын дээд сургууль |
2021 |
400 |
950000-1050000 |
|
|
37 |
Хангай дээд сургууль |
2021 |
400 |
760000 |
|
|
38 |
Этүгэн дээд сургууль |
2012 |
400 |
1500000 |
|
|
39 |
Хүрээ дээд сургууль |
2013 |
400 |
1125000 |
|
|
40 |
Зохиомж дээд сургууль |
2022 |
450 |
1150000 |
|
|
41 |
Хэл иргэншлийн дээд сургууль |
2022 |
400 |
979000 |
|
|
42 |
Соёл-Эрдэм коллеж |
2020 |
380 |
1025000 |
|
|
43 |
Мон-Алтиус биеийн тамирын дээд сургууль |
2021 |
400 |
790000 |
|
|
44 |
Утга зохиол нийгмийн ажилтны коллеж |
2012 |
400 |
790000 |
|
|
45 |
Энх-Орчлон коллеж |
2013 |
400 |
770000 |
|
|
46 |
Сэтгүүлч коллеж |
2017 |
480 |
925000 |
|
Хичээлийн шинэ жил өнөө, маргаашгүй эхлэх гэж байхад засварын ажлаа ч эхлээгүй сургууль, цэцэрлэг байгаа талаар Мэргэжлийн хяналтын газрын ЭМБСХХ-ийн дарга Г.Батмөнх ярьжээ. Ер нь жил бүрийн намар ихэнхи сургууль, цэцэрлэгүүд их засварын ажлыг эхлүүлдэг. Одоо ч сургууль, цэцэрлэгийн засварын ажил үргэлжилж байна. Харин заримынх нь засварын ажил нь эхлээгүй байгаа нь асуудал болоод байгаа юм. Тухайлбал, Баянгол дүүргийн 20, 40 дүгээр сургуулийн дээврийн засвар, Сүхбаатар дүүргийн 31, 25 дугаар сургууль, 29, 159 дүгээр цэцэрлэгийн засвар ажил эхлээгүй байгаа аж. Мөн Чингэлтэй дүүргийн 103, 74, 173 дугаар цэцэрлэгүүдийн бохирын шугамын засвар, гадна талбайн тохижилт эхлээгүй байгаа бол 39 дүгээр сургуулийн тендер зарлагдаагүй байж байна. Мөн Хан-Уул дүүргийн 34, 75 дугаар сургууль, 12, 27, 46, 53, 72 дугаар цэцэрлэгийн цахилгаан, сантехникийн засвар эхлээгүй байгаа юм. Сонгинохайрхан дүүргийн 81 дүгээр цэцэрлэг төсөв байхгүй учир засвар хийгээгүй бол 62 дугаар сургуулийн дээврийн засвар эхлээгүй байна. Иймээс есдүгээр сарын 1-нд амжих нь нэлээд хүндрэлтэй юм. Харин бусад сургууль, цэцэрлэгийн хувьд засвараа энэ сардаа багтааж дуусгах төлөвлөгөөтэй ажиллаж байгаа аж.
10 хүүхэд тутмын гурав нь цэцэрлэггүй байна
БШУЯ-ны сургуулийн өмнөх бага, боловсролын хэлтсийн дарга Б.Гантулга, Нийслэлийн боловсролын газрын мэргэжилтан Ш.Болор-Эрдэнэ нарын ярьж буйгаар 2014-2015 оны хичээлийн жилд улсын хэмжээнд төрийн болон төрийн бус өмчийн 1112 цэцэрлэг үйл ажиллагаа явуулж, сургуулийн өмнөх боловсролын байгууллагад 201 мянга 967 хүүхэд хамрагдах гэнэ. Гэхдээ л 2500 хүүхэд цэцэрлэггүй үлдэж байгаа юм. Хувийн цэцэрлэгүүд нэг хүүхдэд ногдох хувьсах зардлыг улсаас авдаг мөртлөө төлбөр нь их, дээд сургуулийнхтай ижил шахуу байгаа аж. Өндөр төлбөрөөр иргэдийг дарамталж байгаа хувийн цэцэрлэгүүдэд урсгал зардал, татаас өгөхгүй байх талаар Боловсролын яамнаас анхаарч ажиллахаар болжээ. Хувийн хэвшлийн 38 цэцэрлэгт 2500 сул ор байна. Энэ боломжийн дээр төлбөрийн бололцоогүй байгаа хүүхдийг цэцэрлэгт хамруулах арга хэмжээ авах юм байна. Өөрөөр хэлбэл цэцэрлэгт хамрагдаж чадахгүй 2500 хүүхдийг хувийн цэцэрлэг рүү шахна гэсэн үг юм. Энэ жил Канад модон технологиор 17 цэцэрлэг ашиглалтад орсон байна. Дээрх 2500 хүүхдийг цэцэрлэгт хамруулахын тулд он дуустал дөрвөн сарын хугацаанд нэг тэрбум төгрөг шаардлагатай байгаа аж. Тэр мөнгийг шийдэж өгөх үгүйг УИХ-аар батална. Тэгэхээр УИХ-аас гарах шийдвэрийг хүлээгээд л сууж байхаас өөр аргагүй байгаа юм.
Орон нутгаас хотод ирж суралцдаг оюутнуудаас энэ жил 16 мянга нь дотуур байраар хангагдах боломжтой болж байгаа юм. Сургуулиудын дотуур байрны засвар дуусаагүй байгаа ч энэ сарын 20-оос бүртгэлээ эхлүүлжээ. Дотуур байрны төлбөр энэ жил 50-100 мянган төгрөгөөр нэмэгдсэн байна. Тухайлбал, ШУТИС-ийн байрны төлбөр өнгөрсөн жил 180-210 мянга хооронд байсан бол энэ жил ойролцоогоор 280-310 мянгад хүрчээ. МУБИС-ийн дотуур байрны төлбөрийг тодорхой хэмжээгээр нэмэх шийдвэрийг сургуулийн ТУЗ-өөс гаргасан бөгөөд энэ долоо хоногт эцсийн байдлаар үнийг нь тогтоох гэнэ. Харин МУИС-ийн дотуур байрны төлбөр нэмэгдээгүй, 250 мянга хэвээрээ байна. Мянган оюутны байр өнгөрсөн жил 400 мянга байсан бол энэ жил 500 мянган төгрөг болжээ. Харин өнгөрсөн хавар ашиглалтад орсон 1000 оюутны байр буюу “Оюутны өргөө цогцолбор” байрны 10 сарын төлбөр нь 780 мянган төгрөг аж.
