Apple компанийн IPHONE 17 загвар ирэх есдүгээр сарын 15 гэхэд олон нийтэд танилцуулагдах бөгөөд тус сарын 25-нд худалдаанд гарах төлөвтэй байгаа сураг гарлаа. Тэгвэл бид та бүхэнд шинэ загварын тухай олж мэдсэн бүхнээ хүргэж байна. 

iPhone 17 загвар нь Apple-ийн сүүлийн жилүүдэд гаргасан хамгийн чухал хувилбар байх боломжтой. Гэхдээ үнэ нь өндөр байж магадгүй гэж ажиглагчид үзэж байна. Эл загвараар тус компани дизайн, технологийн томоохон өөрчлөлтийн үе шатыг бүтээж буй гэх.

iPhone 17 нь дизайны шинэчлэлт, нарийхан хүрээ, нимгэн байдал, тод, том дэлгэц, мөн бидний дуртай гайхалтай мэдрэгчийн шинэчлэлээр дэлхий нийтийг алмайруулна. Уг загвар видео бичлэгийн хувьд төгс байна. Мөн техник хангамж, програм хангамжийн шинэчлэлттэй байх ёстой. Гэхдээ камерын шинэчлэлт нь iPhone 17 Pro болон iPhone 17 Pro Max загваруудад хийгдэнэ гэх цуу яриа гарчээ. Мөн тэд iPhone 17 Air цоо шинэ загварыг олон нийтэд танилцуулна. 

2025 оны намар iPhone 17 нь өмнөх үеийн таван элемент бүхий 12 МП камертай харьцуулахад 24 МП дүрс мэдрэгч, зургаан хуванцар линз элемент бүхий сайжруулсан урд талын камертай байх ёстой. 

#1 - Хэт нимгэн цоо шинэ загвар

iPhone 17 Air-ийн гол онцлог нь хэт нимгэн байх нь дамжиггүй. Уг шинэ загвар нь ердөө 5.6 мм зузаантай байх төлөвтэй байгаа нь хамгийн нимгэн iPhone болж түүх бүтээнэ. Харьцуулбал, iPhone 16 Pro болон Pro Max нь тус бүр нь 8.25 мм байна. Илүү зузаан iPhone 17 Max эсвэл Ultra нь 8.75 мм зузаантай байх төлөвтэй. Хэмжээг төдөн мм гээд унших нь нэг хэрэг, iPhone-г гартаа барих нь өөр зүйл гэдгийг сүүлийн үеийн практикууд харуулж байгаа. iPhone 17 Air гарсны дараа хэрэглэгчдэд "заавал таалагдах ёстой" гэж технологийн шинжээчид үзэж байгаа гэнэ. "Заавал байх ёстой" болж хувирна гэж би найдаж байна.

#2 - 6.6 инчийн дэлгэц

Apple компани iPhone 17 Air загвараараа цоо шинэ дэлгэцийн хэмжээг танилцуулна. Уг утасны 6.6 инчийн дэлгэц нь одоогийн 6.3 болон 6.9 инчийн хоёр Pro хэмжээсийг мартуулах төгс зохиоцол болно гэжээ. Онолын хувьд энэ нь гарт тохирох зөв мэдрэмжийг төрүүлнэ. Өөрөөр хэлбэл Pro, Pro Мах загварууд шиг үргэлж хоёр гараараа ашиглах шаардлага үүсэхгүй. Нэг гараараа ашиглах нь хүмүүсийн хувьд чухал байданг. Тийм учраас би ихэвчлэн жижиг iPhone-г илүүд үздэг. 6.6 инч том сонсогдож байгаа ч 17 Air-ийн нимгэн нь том дэлгэцийн хэмжээг асуудалгүй болгоно гэж найдъя.

#3 - Уйтгар төрүүлэхгүй 

Олон хүмүүсийн хувьд iPhone хувьслын явцад бага зэрэг зогсонги байдалд орж эхэлсэн. Жил бүр шинэ боломжуудыг нэвтрүүлж, камерууд сайжирсаар байгаа ч iPhone-ийн үндсэн дүр төрх, өгөх мэдрэмж нь хуучирсан гэж хэлж болно. Энэ нь 2017 онд iPhone X гарч ирэхээс өмнө ямар байсан билээ дээ. "Х" загварын нэгэн адил iPhone 17 Air нь хэрэглэгчдийг байлдан дагуулж чадна гэж найдаж байгаа олон хүн бий.

Бид iPhone 17 Air-ийн тухай цуу яриа эрчтэй тарж буй энэ цаг үед дээрх мэдээллүүдийг олж авлаа. Ямар шинэ загвар гарахаас өмнө хүмүүс болон тзхнологийн шинжээчид олон цууг тараадаг. Гэвч бид намрыг хүлээх нь хамгийн зөв шийдвэр байх нь мэдээж.

Л.Баяр