Монголын үндэсний бөхийн холбооноос зохион байгуулдаг “Алтан цом”-ын 2026-2027 оны улиралд өрсөлдөх “АПУ Скайтел” багийн бүрэлдэхүүнийг танилцууллаа.

“АПУ”, “Скайтел” ХХК-ийн нэрэмжит тус багийг улсын Даян аварга Б.Орхонбаяр ахалж, улсын арслан Ц.Бямба-Отгон, улсын харцага Э.Даш, Б.Цэдэнсодном нарын хүчтэнүүд багтжээ.

Мөн улсын начин Н.Амгаланбаатар, Б.Бат-Эрдэнэ, аймгийн хурц арслан М.Цэрэн, аймгийн арслан Х.Чойжилсүрэн нар багийн бүрэлдэхүүнд багтсан байна.

“АПУ Скайтел” багийн бүрэлдэхүүн:

• Б.Орхонбаяр — Улсын Даян аварга

• Ц.Бямба-Отгон — Улсын арслан

• Э.Даш — Улсын харцага

• Б.Цэдэнсодном — Улсын харцага

• Н.Амгаланбаатар — Улсын начин

• Б.Бат-Эрдэнэ — Улсын начин

• М.Цэрэн — Аймгийн хурц арслан

• Х.Чойжилсүрэн — Аймгийн арслан

Тус баг арваннэгдүгээр сарын 7-нд эхлэх “Алтан цом”-ын төлөөх нээлтийн барилдаанд “М Си Эс Энержи” багтай учраа таарна.

Л.Баяр