Алдарт жүжигчин Роберт Де Нирогийн хүү Аарон Кендрик саяхан Айрин Де Ниро гэх нэртэй болж, мөн өөрийгөө трансжендер гэдгээ олон нийтэд илчилжээ. Улмаар Роберт Де Ниро эл үйл явдлын дараа охиндоо хайртай, дэмжиж байгаагаа илэрхийлсэн байна.
Тэрбээр 29 настай, "Тэргүүн хатагтай" кинонд Барак Обамагийн дүрийг бүтээсэн Жулиан Де Нирогийн ихэр ах юм.
Роберт Де Ниро CNN-д өгсөн ярилцлагадаа "Би Ааронийг хүүгийнхээ хувьд хайрлаж, дэмжиж байсан. Уурлах шалтгаан байхгүй. Одоо би Айриныг охиныхоо хувьд хайрлаж, дэмжиж байна. Би бүх хүүхдүүддээ хайртай" гэжээ. 29 настай Айрин Де Ниро нь 1995 онд жүжигчин Роберт Де Ниро, жүжигчин Туки Смит нарын дундаас төрсөн. Тэрбээр Оскарын шагналт Роберт Де Нирогийн долоон хүүхдийн нэг. Энэ долоо хоногт тэр өөрийн бага нас болон шилжилтийн үеийнхээ тухай "Them" сэтгүүлд ярьжээ.
Айрин Де Ниро ярилцлагадаа, "Аав ээж хоёр маань намайг олны анхаарлын төвд байхыг зөвшөөрсөнд би талархаж байна. Тэд миний хүүхэд насыг энгийн жаалуудынх шиг байлгахыг хүссэн. Транс эмэгтэйчүүд үнэнч шударга, нээлттэй байдаг газар бол олон нийтийн сүлжээ. Би олон нийтийн сүлжээнд тэдний амжилтыг олж харсан. Миний хувьд ч оройтойгүй байх" гэжээ.
Л.Баяр
