Монгол Улсын Ерөнхийлөгч Ц.Элбэгдоржийн урилгаар Монголд ажлын айлчлал хийж буй ОХУ-ын ерөнхийлөгч В.Путин, манай ерөнхийлөгчийн хамт Чингисийн хөшөөнд хүндэтгэл үзүүлэв.

Улмаар тэд дурсгалын зураг авахуулж, түүний дараа ганцаарчилсан уулзалтыг хийх юм. Айлчлалын үеэр хоёр орны хамтын ажиллагааны хүрээнд 20-иод гэрээ хэлэлцээнд гарын үсэг зурах бөгөөд үүний дунд хоёр улсын иргэд харилцан визгүй зорчих,  хоёр улсын банк хооронд  рубль, төгрөгийн  своп хэлэлцээ хийх, “УБТЗ”-ын нууц гэрээг шинэчлэх,  Хойд хөршөөр дамжин өнгөрөх транзит тээврийн асуудал зэргийг ярилцах юм.