Халхын голын дайны ойн баяраар Монгол улсын Баатар цол хүртсэн  ахмад дайчин П.Шагдарсүрэнг өнөөдөр МАН-ын удирдлагууд хүлээн авч уулзахаар болжээ. МАН-ын дарга М.Энхболд түүнд  баяр хүргэж, Тусгаар тогтнолын ордонд 15.00 цагт урьжээ.

   П.Шагдарсүрэн нь 21 настайдаа 1939 оны гуравдугаар сард Тамсагийн зургадугаар морьт дивизийн 17 дугаар морьт хороонд Штабын дарга, улмаар хороон даргаар томилогдон эх орноо хамгаалах ариун үйлсэд амь бие үл хайрлан хүчин зүтгэжээ. Тэрбээр Халхын голын байлдаан эхлэхээс дуусах хүртэл эх оронч дайчин нөхдөө удирдан тулалдаж явсан манай домогт залуу дарга нарын нэг бөгөөд өдгөө 93 насыг зооглоод байна.