Эдийн Засгийг идэвхжүүлэх зорилгоор хэрэгжүүлсэн "Эзэн 100" хөтөлбөрийн үр дүнгийн талаар иргэд олон янзын санал бодолтой байна. Сөрөг хүчний зүгээс уг хөтөлбөрийг үр дүн муутай болсон хэмээн мэдэгдэж байгаа бол УИХ дахь АН-ын бүлгийн дарга Д.Эрдэнэбат энэ талаар "100 хоногт Засгийн газар юу амжуулснаа тайлагнана. Сонсоно. Экспорт, хөрөнгө оруулалт тогтворжиж, импорт орлох үйлдвэрлэлээ дэмжих, иргэдээ орон сууцны зээлээр дэмжих, орон нутаг бие даан хөгжих хандлагатай болж буй нь зөв эхлэл" гэжээ. Мөн Ам.долларын ханш, валютын орох урсгал эрэлтээр бодит хэлбэлзэл үүсгэж байгаа гэж ойлгож байна. Цаашид хоёр хөрштэйгөө хийх гэрээний дагуу асуудлуудыг шийдвэрлэвэл бидэнд илүү гэгээтэй дүр зураг харагдана. Хамгийн гол нь бид дотооддоо улс төрийн тогтвортой орчныг бүрдүүлж, өмнөө байгаа асуудлуудаа шийдэх нь чухал. Шаардлагатай бол Засгийн газарт бүтцийн өөрчлөлт хийх ёстой гэдэг байр суурь хэвээрээ байгаа" гэлээ.