Ц.Оюунгэрэл сайдын дүү Ц.Батыг Зам тээврийн сайдын Л.Гансүхийн нэр хүндэд халдсан гэж эрүүгийн хэрэг үүсгэсэн ч тэрбээр өчигдөр батлан даалтад гарсан. Ц.Бат суллагдсныхаа дараа хэвлэлд ярилцлага өгөхдөө "Монголчууд унасан бөхийг өшиглөдөггүй гэдэг. Хүнийг унагаачихаад, шоронд хорьчихоод энд тэнд ярилцлага өгч, шоу хийгээд явах нь утгагүй асуудал" гэж Л.Гансүх сайдад хандан хэлжээ.
    Мөн түүнийг шоронгоос гараад МИАТ-ийн захирал болох гэж буй гэх явган яриаг эрс үгүйсгэсэн байна. Тэрбээр "Бат инженер МИАТ-ийн захирал болно, албан тушаал нэхсэн гэж ярьсан байна лээ. МИАТ-ийн захирлыг сайд биш ТӨХ-ны дарга томилно" гэж няцаагаад "Шоронгийн хаалгыг би өөр бусад, эрх чөлөө эрхэмлэгч хүмүүсийн хувьд хаачихаад ирлээ. Үгээ хэлдэг хүмүүс шоронд орох ёсгүй байхгүй юу" гэжээ.