МАХН-ын гүйцэтгэх товчоо өнөөдөр 18.00 цагт хуралдахаар болжээ. Хурлаар хэд хэдэн чухал асуудлыг авч хэлэлцэх юм байна.Тухайлбал улс төрийн алба хаших эрхээ хасуулаад буй тус намын гишүүн, Хууль зүйн дэд сайд байсан Э.Эрдэнэжамъянгийн талаар авч хэлэх юм байна. Өөрөөр хэлбэл, Э.Эрдэнэжамъян албан тушаалаасаа буусан тохиолдолд түүний оронд тус намаас хүн томилогдохоор болсон. Үүний дагуу дэд сайдын суудалд хэнийг томилохоо хэлэлцэх аж. Тэгэхээр өнөөдрийн хурлаар Дэд сайдын орны хүнээр хэнийг томилох нь тодорхой болох нь ээ.
Мөн МАН-аас МАХН-д гишүүнээр элссэн Ц.Шаравдоржийн асуудлаар ч хурлын үеэр авч хэлэлцэх талаар эх сурвалж мэдээллээ. Учир нь Ц.Шаравдоржийн хувьд МАХН-ын нарийн бичгийн даргаар томилогдоод байгаа сурагтай.
Д.Ундрах/24tsag.mn/
Сэтгэгдэл (11)