УИХ-ын гишүүн Н.Батцэрэг, Д.Зоригт, Ерөнхийлөгчийн иргэдийн оролцоо, эдийн засгийн бодлогын зөвлөх Л.Дашдорж болон Эдийн засгийн хөгжлийн яамны мэргэжилтнүүдээс бүрдсэн Монгол Улсын хөгжлийн урт хугацааны бодлогын баримт бичиг боловсруулах ажлын хэсгийн төлөөлөгчид 2014 оны 9 дүгээр сарын 22-26-ны өдрүүдэд Бүгд Найрамдах Турк Улсад ажиллаж, тус улсын хөгжлийн бодлого, төлөвлөлтийн явц, үр дүн, туршлагатай танилцаж байна.
Манай төлөөлөгчдийг тус улсын Хөгжлийн сайд Жевдет Иылмаз, Үндэсний Их Хурлын Төсөв, төлөвлөлтийн байнгын хорооны дэд дарга Сүрея Сади Билгич нар тус тус хүлээн авч уулзан, Туркийн хөгжлийн бодлого, төлөвлөлтийн талаар ярьж, энэ чиглэлээр Монгол Улстай хамтран ажиллах, харилцан туслах сонирхолтой байгаагаа илэрхийлэв.
Туркийн Үндэсний Их Хурлын дэд дарга Садык Якут 2014 оны 9 дүгээр сарын 23-нд манай төлөөлөгчдийг хүндэтгэн парламентын ордонд үдийн зоог барингаа Монгол, Туркийн харилцааны талаар ярилцаж, өмнө тохиролцсон хамтын ажиллагааны зарим төслийг хэрэгжүүлэхэд дэмжлэг үзүүлэхийг хүсэв.
Төлөөлөгчид Туркийн Хөгжлийн яам, Сангийн яамны холбогдох газруудын захирал, ажилтнуудтай хэд хэдэн удаа уулзалт хийж, хөгжлийн бодлогыг төсвийн бодлоготой уялдуулах, салбарын болон орон нутгийн хөгжлийн бодлогыг төлөвлөх, судалгаанд тулгуурлан боловсруулах зэрэг асуудлын талаар ярилцаж, санал бодлоо солилцсоноос гадна Кайсери хотод зочлон хот, орон нутгийн хөгжлийн төлөвлөлт, хэрэгжүүлэлт, иргэдийн оролцооны байдалтай танилцав.
Энэхүү айлчлал, туршлага судлах ажлыг НҮБ-ын Хөгжлийн хөтөлбөрийн санхүүжилт, дэмжлэгтэйгээр зохион байгуулжээ.
Монгол Улсаас БНТУ-д суугаа Онц бөгөөд Бүрэн эрхт Элчин сайд Б.Батхишиг төлөөлөгчдийг Элчин сайдын яамандаа хүлээн авч, Монгол, Туркийн харилцааны өнөөгийн хөгжилт, цаашдын зорилт болон яамны ажлын талаар ярьж танилцуулав.
БНТУ хөгжлийн бодлого, төлөвлөлтийг шинжлэх ухааны үндэслэлтэй сайтар боловсруулж, амжилттай хэрэгжүүлж буй улс бөгөөд 2023 он гэхэд эдийн засгийн хэмжээгээрээ дэлхийд эхний 10 улсын тоонд орох төлөвлөгөөтэй ажиллаж байна.
Манай төлөөлөгчдийг тус улсын Хөгжлийн сайд Жевдет Иылмаз, Үндэсний Их Хурлын Төсөв, төлөвлөлтийн байнгын хорооны дэд дарга Сүрея Сади Билгич нар тус тус хүлээн авч уулзан, Туркийн хөгжлийн бодлого, төлөвлөлтийн талаар ярьж, энэ чиглэлээр Монгол Улстай хамтран ажиллах, харилцан туслах сонирхолтой байгаагаа илэрхийлэв.
Туркийн Үндэсний Их Хурлын дэд дарга Садык Якут 2014 оны 9 дүгээр сарын 23-нд манай төлөөлөгчдийг хүндэтгэн парламентын ордонд үдийн зоог барингаа Монгол, Туркийн харилцааны талаар ярилцаж, өмнө тохиролцсон хамтын ажиллагааны зарим төслийг хэрэгжүүлэхэд дэмжлэг үзүүлэхийг хүсэв.
Төлөөлөгчид Туркийн Хөгжлийн яам, Сангийн яамны холбогдох газруудын захирал, ажилтнуудтай хэд хэдэн удаа уулзалт хийж, хөгжлийн бодлогыг төсвийн бодлоготой уялдуулах, салбарын болон орон нутгийн хөгжлийн бодлогыг төлөвлөх, судалгаанд тулгуурлан боловсруулах зэрэг асуудлын талаар ярилцаж, санал бодлоо солилцсоноос гадна Кайсери хотод зочлон хот, орон нутгийн хөгжлийн төлөвлөлт, хэрэгжүүлэлт, иргэдийн оролцооны байдалтай танилцав.
Энэхүү айлчлал, туршлага судлах ажлыг НҮБ-ын Хөгжлийн хөтөлбөрийн санхүүжилт, дэмжлэгтэйгээр зохион байгуулжээ.
Монгол Улсаас БНТУ-д суугаа Онц бөгөөд Бүрэн эрхт Элчин сайд Б.Батхишиг төлөөлөгчдийг Элчин сайдын яамандаа хүлээн авч, Монгол, Туркийн харилцааны өнөөгийн хөгжилт, цаашдын зорилт болон яамны ажлын талаар ярьж танилцуулав.
БНТУ хөгжлийн бодлого, төлөвлөлтийг шинжлэх ухааны үндэслэлтэй сайтар боловсруулж, амжилттай хэрэгжүүлж буй улс бөгөөд 2023 он гэхэд эдийн засгийн хэмжээгээрээ дэлхийд эхний 10 улсын тоонд орох төлөвлөгөөтэй ажиллаж байна.
