УИХ-ын Төрийн байгуулалтын байнгын хорооны хуралдаанаар ССАЖ-ын яамны бүтцийг өөрчлөх саналыг хэлэлцлээ. Тодруулбал, УИХ дахь МАН-ын бүлгийн гишүүд Соёл, спорт аялал жуулчлалын яамыг татан буулгаж, эрхлэх асуудлыг нь Эрүүл мэнд, Боловсрол, Байгаль орчны яаманд шилжүүлэх саналыг гаргасан юм. Тэгвэл уг санал өнөөдрийн хуралдаанаар дэмжигдлээ. УИХ-ын чуулганы нэгдсэн хуралдаанаар эцэслэн батлах юмМөн УИХ-ын гишүүн Д.Батцогт, Д.Эрдэнэбат нарын гаргасан Үйлдвэр хөдөө аж ахуйн сайдын эрхлэх асуудлын хүрээнд байгаа хүнд үйлдвэрлэлийн салбарын асуудлыг Уул уурхай, Эрчим хүчний яаманд хариуцуулах гэсэн санал, Шадар сайд бөгөөд Гадаад харилцааны сайдын эрхлэх асуудлын хүрээнд харьяалагдаж байгаа чөлөөт бүсийн эрхлэх асуудлыг Ерөнхий сайдын мэдэлд авчирах зэрэг саналууд байнгын хорооны гишүүдээс дэмжлэг хүлээлээ.