Яг одоо чуулганы хуралдаанаар УИХ дахь МАН-ын бүлгийн гишүүдийн тавьсан Соёл, спорт аялал жуулчлалын
яамыг татан буулгаж, эрхлэх асуудлыг нь Эрүүл мэнд, Боловсрол, Байгаль
орчны яаманд шилжүүлэх саналыг хэлэлцэж, гишүүд зарчмын зөрүүтэй асуудлаар саналаа хэлж байна. Энэ үеэр УИХ-ын гишүүн Б.Бат-Эрдэнэ "Монголын төр 2000 оноос эхлэн зөв бодлогоор дэмжсэний үр дүнд спортын
хөгжил өссөн. Гэтэл Соёл спорт, аялал жуулчлалын яам болсноос хойш спорт
маань олигтой хөгжиж өгсөнгүйССАЖ-ын яамыг татан буулгах ёстой гэж урлаг, спортынхон хэлж байгаа. Ялангуяа спортынхон их дэмжиж байна. Учир нь энэ яам их спортод хүрч ажиллаж чадахгүй байна. Хөдөө аймгийн спортын хороодыг татан буулгаад бэлтгэлийн заал болгосон. Тэнд ажиллаж байсан хүмүүс нь заалны зохион байгуулагч болсон байх жишээтэй. Энэ мэтээр спортын бодлогыг явуулдаг байгууллагуудыг татан буулгаад байхаар чинь Монголын спорт яаж хөгжих юм бэ. Тэгэхээр биеийн тамир спортын асуудлыг эрүүл мэндийн яам руу өгөх хэрэгтэй" гэлээ.
Хуулийн төсөл хэлэлцүүлгийн шатанд үргэлжилж буй бөгөөд энд яригдаж буй зүйлс, саналууд албан ёсных болохын тулд дараа дараагийн хэлэлцүүлгээр дэмжигдэх ёстой юм.
Хуралдаан үргэлжилж байна.
Т.Энхэлээ
Сэтгэгдэл (5)