УИХ -ын гишүүн, Уул уурхайн сайд Д.Ганхуяг УИХ -ын дарга З.Энхболдод Эрдэс баялгийн салбарын ил тод байдлын тухай хуулийн төслийг өргөн барилаа. Манай улс зах зээлийн нийгэмд шилжсэн цагаас эхлээд уул уурхайн салбар эрэлттэй салбар болсон. Уг салбарт үйл ажиллагаа явуулдаг аж ахуйн нэгжүүд олширч улс, орон нутгийн төсвийн тодорхой хувийг уг салбарын орлогоор бүрдүүлэх болсон юм. Уул уурхайн сайдын өргөн барьсан уг хуулийн төсөл нь эрдэс баялгийн салбарын ил тод байдлын зорилт, хамрах хүрээ, зарчим, эрдэс баялгийн салбарын ил тод байдлыг хэрэгжүүлэгч байгууллага түүний бүтэц, бүрэн эрх, мөн эрдэс баялгийн салбарын ил тод байдлыг хэрэгжүүлэгч байгууллагын удирдлага тэдгээрийн эрх үүрэг түүнчлэн эрдэс баялгийн ил тод байдлын тайлан түүнтэй холбоотой харилцаа, тайлан гаргах үүрэг бүхий хуулийн этгээд, байгууллагууд, тэдгээрийн эрх үүрэг, санхүүжилт, хууль тогтоомж зөрчигчдөд хүлээлгэх хариуцлага зэрэг харилцааг зохицуулж өгсөн байна.
