Засгийн газрын шинэ бүтцэд орж ажиллах сайд нарын нэрс тодорхой болжээ. Тодруулбал, Гадаад харилцаа, эдийн засгийн хамтын ажиллагааны сайдаар Ерөнхийлөгчийн Гадаад бодлогын зөвлөх Л.Пүрэвсүрэн, Зам тээвэр, барилга хот байгуулалтын сайдаар УИХ-ын гишүүн, Аюулгүй байдал, гадаад бодлогын байнгын хорооны дарга Ц.Цолмон, Уул уурхай, эрчим хүчний сайдаар Уул уурхайн яамны төрийн нарийн бичгийн даргаар ажиллаж байсан Р.Жигжид, Сангийн сайдаар УИХ-ын гишүүн Д.Зоригт нарыг дэвшүүлсэн байна. Мөн Эрүүл мэндийн сайд Н.Удвалыг өөрчилж байгаа бөгөөд түүний оронд өмнө нь МАХН-ын дарга Н.Энхбаярын эмчээр ажиллаж байсан Л.Жамбалжавыг тавихаар тохиолцож байгаа гэж эх сурвалж мэдээллээ. Уг асуудлын хүрээнд яг одоо УИХ дахь Ардчилсан намын бүлэг хуралдаж байна. Маргааш Байнгын хороо, чуулганы хуралдаанаар мөн хэлэлцэгдэх юм. Эх сурвалжийн мэдээлж буйгаар МАХН-ын гишүүд Эрүүл мэндийн яамны сайдын асуудал дээр хоёр саналд хуваагдаад байгаа юм байна. Хэрвээ шинэ сайд нарын асуудал дээрхийн дагуу батлагдвал АН дахь МОАХ-ын фракц Засгийн газраас тэр чигтээ хасагдаж байна. Мөн М.Энхсайханы тэргүүлсэн МҮАН хамтарсан Засгийн газарт ямар ч төлөөлөлгүй болох нь.
Т.Энхэлээ
Сэтгэгдэл (24)