Шударга ёс эвслийн бүлэг хуралдаж засагт ажиллах сайд нарынхаа нэрсийг тодрууллаа. Тэд өмнөх засагт дөрвөн сайдын суудал эзэлж байсан. Харин энэ удаагийн засагт нийт гурван сайдтай үлдэж байгаа юм. Түүний хоёр нь МАХН-д  үлдсэн нэг нь МҮАН-д ногджээ.  Яг одоо болж буй бүлгийн хуралдаанаар МАХН-ынхан Шадар сайдад Ц.Шаравдорж, Г.Шийлэгдамба хоёрын нэгийг санал болгохоор хуралдаж байна. Эх сурвалжийн мэдээлж байгаагаар бол Ц.Шаравдоржийг Шадар сайдад дэвшүүлэх магдлалтай гэнэ. Харин  Эрүүл мэндийн сайд Н.Удвалыг суудалд нь хэвээр үлдээхээр шийджээ. МҮАН-ынхан хуралдаад Зам тээвэр, барилга хот байгуулалтын сайдад "Шударга ёс" бүлгийн дарга Н.Батцэргийн нэрийг санал болгохоор тогтлоо.  Ийнхүү Н.Алтанхуягийн Засгийн газрын гишүүдийн нэрс бүрдэж байна. Ганцхан Шадар сайдын суудалд Г.Шийлэгдамба уу? Ц.Шаравдорж уу? гэсэн сүүлийн тохироо л хийгдэх үлдлээ.