УИХ -ын гишүүн, МАН -ын бүлгийн дарга С.Бямбацогт:
 Одоо алийн болгон бие бие рүүгээ дайрч довтлох вэ дээ. Яах ч аргагүй алдаатай зүйлийг нь ярихаар өөдөөс өөр юм яриад байх юм. Цаана чинь эдийн засгийн байдал хүндэрч байна,  үнэ өсч байна. Засгийн газартай хариуцлага тооцох хэрэгтэй. Гэтэл маш сайн ажиллаж байгаа сайд нараа бүтцийн өөрчлөлтөнд оруулаад чөлөөлчихдөг. Цаана үлдсэн муу ажиллаж байгаа сайд нараа аваад үлдчихлээ гэдгийг л хэллээ. Түүнээс МАН энэ засагт орохгүй  гээгүй. Муу ажиллаж байгаа сайдаа огцруул гэсэн тодорхой санал л хэлсэн. Өнгөрсөн хорин жилийн хугацаанд бид хамтдаа улс төрд байлаа. Бүтцийн өөрчлөлтийг нэг тусдаа, сайд нарын нэрийг нэг, нэгээр нь цувруулж “үхрийн баас” шиг юм оруулж ирдэггүй байсан. Бүтэц бүрэлдэхүүний өөрчлөлт нь сайд нарын нэртэйгээ цуг орж ирдэг байсан.  Одоо тэгээд та нарын хэлсэнээр энэ сайдууд сайн ажиллаж байсан юм бол яагаад чөлөөлчихвөө. Эцэст нь хэлэхэд МАН -аас болж ийм байдал үүслээ гэж  битгий муугаа бидэнд тохооч.