2015 оны төсөв ихээхэн маргаан дагуулах нь тодорхой болоод байна. Өр зээлийг нэмэх, ард түмний татварыг өсгөх гэсэн олон асуудал босох нь тодорхой болсон. Тиймээс УИХ-ын гишүүд ихээхэн бухимдалтай байна. Өнөөдрийн чуулганаар 2015 оны төсвийн төслийг хэлэлцэх гээд баахан маргаж хойшлуулав. МАН-ынхан "өнөө өглөө тарааж өгсөн учир уншаагүй байна" гэсэн бол эрх баригчид "цаг тулсан тул уншингаа хэлэлцье. Анхны төслийг 17 хоногийн өмнө тараасан" гэж талцав. Энэ үеэр УИХ-ын гишүүн Ч.Хүрэлбаатар "17 хоногийн өмнө өөрийг тарааж өгсөн. Өнөө өглөө тарааж өгсөнийг уншаагүй" гэсэн бол Ерөнхий сайд Н.Алтанхуяг "Ч.Хүрэлбаатараа чи ямар сүнсгүй болсон юм бэ? 17 хоногийн өмнө тарааж өгсөн шүү дээ. Та нар уншиж хэрүүл хийсэн. Өнөө өглөөнийх 17 хоногийн өмнө тарааж өгсөнөөс нэг их өөрчлөгдөөгүй" гэж учирлав. Харин МАН-ынхан өөрчлөлт бүрийг тулгаж, эхнээс нь унших ёстой гэж гүрийв.