Засгийн газрын бүтэц бүрэлдэхүүний өөрчлөлттэй холбоотойгоор Сангийн сайд болон бусад нэр бүхийн сайд нарыг үүрэгт ажлаас нь чөлөөлсөн тогтоолыг УИХ –ын өчигдрийн чуулганаар баталсан юм. Хуучин сайд нар өнөөдрөөс эхлэн сайдын тамга тэмдэг, үүрэгт ажлаа хүлээлгэн өгч эхлээд байгаа. Тэгвэл Сангийн сайд Ч.Улаан ажлаа хүлээлгэн өгөхдөө хамт олондоо дараах ерөөлийн үгийг уламжилжээ.
Сэтгэлийн өчил
Ивээлт нар мэт цацрах аавын хөвгүүд та нар минь надад Алтан-Эрдэнэ…
Энх үүрийн туяа мэт гэрэлтэх ээжийн охид та нар минь надад Мөнгөн-Эрдэнэ…
Илчит улаан гал мэт бадарсан та нарын минь хийморь надад Шүрэн-Эрдэнэ…
Ээжийн цагаан сүү мэт цайлган гэнэн сэтгэл тань надад Сувд-Эрдэнэ…
Энгүй өргөн тал лугаа дэлгэр уужим бодол тань надад Оюу-Эрдэнэ…
Эрхэс наадах тэнгэр адил өргөн, гүн санаа тань надад Номин-Эрдэнэ…
Элбэрлийн цагаан гар мэт түших хоёргүй шулуун сэтгэл тань надад Зэс-Эрдэнэ…
Элгэн уулын нөмөрлөх оргил мэт өмөг дулаан түшиг тань надад Ган-Эрдэнэ…
Эрхэт төрийн эвийг бататгах гэгээн хүсэл мөрөөдөл тань надад Тана-Эрдэнэ…
Та нар минь наддаа Есөн-Эрдэнэ минь.
Сэтгэгдэл (21)