Багш, эмч, соёлын байгууллагын цалин, урсгал зардал гээд 280 тэрбум төгрөгийг олго, 53.4 тэрбум төгрөгийг ахмадууд, оюутнууд, цагдаа нарын нийтийн тээврээр үнэгүй зорчуулсны татааст өг,  94 тэрбум төгрөгийн халамжийн санг олго”    Яг одоо чуулганы хуралдаанаар 2015 оны Төсвийн хуулийг хэлэлцэж байна. Ерөнхий сайд Н.Алтанхуяг төсвийн төслийг танилцуулсантай холбогдуулан УИХ-ын гишүүд асууж, санал хэлж байна. 

Тухайлбал, Улаанбаатар хотын дарга Э.Бат-Үүл “Одоо өргөн барьсан байгаа төсвөөр бол хот аюулд ороод байна. Хэрвээ энэ байдлаар батлагдвал Улаанбаатар хот үнэхээр өрөвдөлтэй байдалд орно. Тодруулбал, энэ төсвийн төсөл батлагдвал хотоос цалин, халамж, нийтийн тээврийн урсгал зардлыг л өгнө. Ингэхээр урсгал зардлыг санхүүжүүлдэг данс болчихож байгаа юм. Тэгэхээр бид цалингаа тавьж чадахгүй болно гэсэн үг. Агентлагийн төсвөөс дор байдалтай болох юм.

Сангийн яамны зүгээс Ерөнхий сайдад буруу тайлбар хийсэн. Улаанбаатар хотын 18 чиг үүргийг хөрөнгийн зардлаас суурь зардлыг хасаад тэнцлийг 280 сая гэж хэлсэн. Багш, эмч, соёлын байгууллагын цалин, урсгал зардал гээд 280 тэрбум төгрөгийг олго, 53.4 тэрбум төгрөгийг ахмадууд, оюутнууд, цагдаа нарын нийтийн тээврээр үнэгүй зорчуулсны татааст өг,  94 тэрбум төгрөгийн халамжийн санг олго” Энэ бол үгүй юм" гэлээ.

.