УИХ-ын гишүүн М.Зоригт Улаанбаатар хотын дарга Э.Бат-Үүлийг өрөөндөө урьж цайгаар дайлжээ. Тэд сүүлийн үед улс төрд дуулиан тариад буй АН-МАХН-ын хооронд хийгдсэн хамтран ажиллах гэрээний асуудлаар ярилцсан байна. Хотын захирагч Э.Бат-Үүлийн хувьд тус гэрээг маш их шүүмжилж байгаа юм. Түүний хувьд нийслэлийн АН-ын дарга бөгөөд Ерөнхий сайд Н.Алтанхуяг ийм хариуцлагагүй гэрээ хийснийхээ үрийг үүрч ажлаа хүлээлгэж өгөх ёстой гэсэн мэдэгдлийг хийсэн билээ.

Тэгвэл УИХ-ын гишүүн М.Зоригт Э.Бат-Үүлийн уг санаачилгыг дэмжиж буйгаа илэрхийлээд түүнийг саналыг АН-ын гишүүдээр дэмжүүлэхээ амалсан байна. Тэрбээр "Мөнхөд эх орноо гэх Э.Бат-Үүлийг өрөөндөө цай уулгаж мэдэгдэл байр суурийг нь дэмжиж, гишүүдээр дэмжүүлэхээ амаллаа" хэмээн жиргэжээ.