МАХН –ын дарга Н.Энхбаяртай байгуулсан хамтран ажиллах гэрээнээс болж АН –ын дарга, Ерөнхий сайд Н.Алтанхуягийг намын нөхөд нь хатуухан зэмлэж байгаа. Тэр дундаа Хотын дарга, Нийслэлийн АН –ын дарга Э.Бат-Үүл “Намын гишүүдээсээ асуулгүйгээр намын дүрэмд харшилсан гэрээ байгууллаа. Цуцлахгүй бол шүүхэд хандана” гэж даргаа айлгаад амжсан. Тэгвэл Ерөнхий сайд өөрийн твиттер хуудсаараа дамжуулан “МАН -ынхан намайг хангалттай гүтгэж, доромжилж байхад миний найз Э.Бат - Үүл намайг ингэж түгжилдэх хэрэг юун, Бид хоёр улсын хөгжил, УБ -ын утааг арилгах тухай ярих цаг биш үү?” гэж Хотын даргад гомдол мэдүүлжээ.