АН, МАХН-ын гэрээ олон асуудлыг дагуулж байна. Эцэстээ Засгийн газрыг хөдөлгөх нэг том хөшүүрэг болов. Энэ гэрээг амжилттай болгож чадаагүйдээ харамсаж Н.Энхбаяр БНСУ-руугаа явлаа. Харин уг гэрээнд "Шударга ёс" эвсэлийг бүрдүүлэгч МҮАН-ыг огт оролцуулаагүй. Үүнийг тойрсон олон маргаан өрнөсөн. Харин энэ талаар МҮАН-ын дарга М.Энхсайхан байр суруиа илэрхийлэв. Тэрээр "АН, МАХН хоорондоо ямар гэрээ хийх вэ гэдэг бидний оролцох асуудал биш. Манай намтай холбоотой зүйл байдаг бол АН, МАХН-ын шийдэх асуудал биш. Би бичиг баримтыг нь үзээгүй. Ач холбогдолгүй шахуу гэж бодож байгаа учир сонирхохгүй байгаа" хэмээн тайлбарлав. Түүний тайлбарлаж байгаагаар бол "АН, МАХН-ын л асуудал учраас оролцоогүй. Харин манай намтай холбоотой асуудал ярьж байгаа бол бидний дотоод хэрэгт Н.Энхбаяр, Н.Алтанхуяг хоёр оролцох эрхгүй шүү" гэдгийг л сануулж. Үндсэндээ 2024 он хүртэл МАХН, АН хоёр хамтраад М.Энхсайханыг тойргийн гадна гаргажээ. Тэрээр МАХН ч үгүй, АН ч үгүй ганцаардмал байдалд оржээ.