Засгийн газрын шинэ бүтцэд орж ажиллахаар нэр дэвшээд буй Д.Зоригт гишүүнийг Ерөнхийлөгч дэмжээгүй байна. Түүний хувьд Сангийн сайдад нэр дэвшээд байгаа юм. Ерөнхийлөгч Ерөнхий сайдаас ирүүлсэн АН-аас нэр дэвшигчдийг зөвшилцөх тухай албан бичигт хариу өгөхдөө “Хууль тогтоох болон гүйцэтгэх засаглал хоорондын хяналт, хариуцлагын тогтолцоог сайжруулахын тулд УИХ-ын гишүүн, Засгийн газрын гишүүний албан тушаалыг нэг хүн давхардуулж хашиж болохгүй гэсэн зарчмын байр суурьтай байгаагаа үүгээр дахин илэрхийлж байна” гэжээ.

Ерөнхийлөгч Зам тээвэр, барилга хот байгуулалтын сайдад нэр дэвшээд буй Н.Батцэрэгийг ч мөн дэмжихгүй гэдгээ илэрхийлсэн билээ.