"Ардын нам ард түмэнтэйгээ хамт" аяныг МАН-аас зохион байгуулж эхэлсэн. Аяны эхний ээлжинд МАН-ын гишүүд өнгөрсөн долоо хоногт Дорноговь аймгийн бүх сумдад ажилласан. Тэгвэл өнгөрсөн амралтын өдрүүд болон энэ долоо хоногийн эхээр Сүхбаатар аймгийн сумдад УИХ дахь МАН-ын бүлгийн гишүүд ажиллав. Энэ хүрээнд УИХ-ын гишүүн Сү.Батболд Сүхбаатар аймгийн Мөнххаан, Түмэнцогт сумдад ажиллаж уулзалтууд зохион байгуулав. Уулзалтаар Сүхбаатар аймгийн иргэд "Чингис" бондын  болон "Үнэ тогтворжуулах хөтөлбөр"-ийн хэрэгжилтийг сонирхож, улс орны өр зээл нэмэгдэж, эдийн засаг хүндэрч байгааг ихэд шүүмжлэн ярьжээ. Эдгээр өр зээл иргэдэд хүртээлгүй болж, цалин, тэтгэвэр нэмэгдэхгүй байгаа, төсвийн байгууллагуудын урамшуулалыг олгохоо больсон, өргөн хэрэглээний бараа бүтээгдэхүүний үнэ өсч худалдан авалт зогссон талаар санал бодлоо илэрхийлсэн байна. Энэ үеэр УИХ-ын гишүүн Сү.Батболд Түмэнцогт сумын МАН-ын байрны засвар, Мөнххаан сумын МАН-ын байрны тоног төхөөрөмжийн асуудлыг шийдвэрлэхээр болов.