УИХ-ын чуулганы хуралдаан өнөөдөр 10.00 цагт эхэлж Төсвийн тухай хуульд нэмэлт өөрчлөлт оруулах тухай, Аж ахуй нэгжийн тухай хуульд нэмэлт өөрчлөлт оруулах тухай хуулийн төсөл, аж ахуй нэгжийн орлогын албан татварын тухай хуульд нэмэлт өөрчлөлт оруулах хууль гэх мэт таван асуудлыг хэлэлцэх байсан ч хуралдаан хойшилсоор байна.

Учир нь яг энэ цагт АН-ын бүлэг хуралдаж байгаа юм. Харин чуулганы хуралдааныг хүлээж суусан бусад гишүүд АН-ын бүлгийг намын дотоод асуудлаа УИХ-ын бус цагаар ярихгүй чуулганы хуралдаантай давхцууллаа гэсэн шүүмжийг хэлж байна. Одоогийн байдлаар чуулганы танхимд МАН-ын бүлгийн гишүүд цуглаж бусдыгаа хүлээсэн байдалтай байгаа юм. Тэд " АН-ынхан Төрийн ажлыг ингэж гацааж болохгүй" гэсэн байр суурийг илэрхийлж байна.