УИХ-ын гишүүн С.Ганбаатар Ерөнхий сайдыг огцруулах асуудлаар Дархан-Уул аймгийн сонгогчдын дунд санал асуулга явуулсан байна. Тэрбээр өнөөдөр асуулгын дүнг танилцууллаа. Тус тойргийн 1267 иргэн Шинэчлэлийн Засгийн газрын тэргүүнийг огцруулах саналтай байгаа бол 1291 нь огцруулахгүй гэж хариулжээ. УИХ-ын гишүүн С.Ганбаатар  энэ талаар “Өнөөгийн засаг төр иргэдээ талцуулж байгаа нь буруу” гэсэн юм. Тэрбээр мөн УИХ-ын дарга З.Энхболдод хандаж, Монголбанкны удирдлагуудыг УИХ-д валютын ханшны өсөлтийн талаар мэдээлэл хийхийг шаардсан албан тоот илгээхээр болжээ. Үүний зэрэгцээ өөрийнх нь өргөн барьсан Хүүхэд харах үйлчилгээний тухай хуулийг 562 хоног гацааж, улмаар Ерөнхийлөгчийн зүгээс дээрх хуультай агуулга адил хуулийг УИХ-д өргөн барьсны дараагаар хамтад хэлэлцэх гэж байна гэлээ.