"Зууны мэдээ" сонины дэргэдэх Үндэсний мэдээллийн төвд өнөөдөр Ардчилсан намын гишүүд дэмжигчдийн холбооноос хэвлэлийн бага хурал хийлээ. Энэ үеэр тус холбооныхон намын удирдлагууддаа хандаж мэдэгдэл хүргүүлж буйгаа хэлсэн юм.

Уг мэдэгдэлд,

1.Монгол Улсын Засгийн газрын хэвийн үйл ажиллагааг хангаж ажиллахыг УИХ дахь Ардчилсан намын бүргийн дарга Д.Эрдэнэбатад уриалж байна.

2.Монгол Улсын Ерөнхий Сайдыг огцруулахыг дэмжиж буй Ардчилсан намаас сонгогдсон УИХ-ын гишүүдийг Ардчилсан намын гишүүд дэмжигчдийн холбооноос 2016 оны сонгуульд нэр дэвшүүлэхгүй байхыг Ардчилсан намын дарга Н.Алтанхуягаас шаардаж байна.

3.Улс төрийн тогтвортой байдлыг хангахын тулд Ардчилсан намын даргын толгойлж буй Засгийн газрыг унагахын төлөө ажилласан Ардчилсан намаас сонгогдсон УИХ-ын гишүүдийн тойрогт очиж Ардчилсан намын гишүүд дэмжигчдийн өмнөөс хариуцлага тооцож ажиллахаа илэрхийлье.

4.Сонгуулиас сонгуульд итгэл үнэмшил өвөрлөж саналаа Ардчилсан намд өгсөн мянга мянган сонгогчдод талархснаа илэрхийлж Та бүхний сонголтыг хувийн  эрх ашигтайгаа хутгаж байгаа Ардчилсан намаас УИХ-д сонгогдсон гишүүдийн өмнөөс уучлалт гуйж тэдэнд хариуцлага тооцохоо мэдэгдье гэжээ.