Энэ долоо хоногт УИХ –иар төвсийн тухай хуулийн төслүүдийг хэлэлцэх учиртай. Энэ талаар МАН –ын бүлэг сэтгүүлчдэд мэдээлэл хийлээ. МАН -ын бүлэг төвсийн тухай хуулийг хэлэлцээд төвсийг танах нь тухай шийдэлд хүрчээ. Тэдний үзэж буйгаар ирэх оны төсөв тооцоо судалгаа муутай, тоо баримтын алдаатай зүйлүүд нэлээдгүй байгаа аж. МАН -ын бүлгийг гишүүд 2015 оны төсвийг хямралыг давах төсөв биш гэж үзсэн учраас төсвийн хэлэлцүүлгийн үеэр тодорхой саналуудыг оруулахаар болжээ. Жишээлбэл хөрөнгө оруулалтын нэмэгдүүлэхийн тулд үр ашиггүй зардлуудыг таних нь зүйтэй гэжээ. Энэ хүрээнд 150 орчим тэрбум төгрөгийн зардлыг буурахуулах саналыг Засгийн газарт оруулах юм байна. Мөн хүүхэд бүрт олгож байгаа мөнгөөс гадна нийгмийн зорилтот бүлэгт 30 мянган төгрөг олгох тухай саналыг тавих гэнэ. Цалин тэтгэвэрийг бодитойгоор 30 хувиар нэмэгдүүлэх, хөгжлийн бэрхшээлтэй иргэдийн халамж тэтгэвэр тэтгэмжийг нэмэгдүүлэх саналыг ч бас Засгийн газарт хүргүүлэх юм байна. Эдгээрийг хэрэгжүүлэхийн тулд Засгийн газрын Тусгай сангийн зардлыг бууруулах хэрэгтэй гэж үзжээ. Тус сан одоогийн байдлаар 2.5 их наяд төгрөг зарцуулдаг бөгөөд улсын төсөвт задаргаа нь ордоггүй юм байна. УИХ дахь МАН –ын бүлгийн үзэж буйгаар энэ сангийн зардлыг бууруулсанаар ойролцоогоор 135 тэрбум төгрөгийг хэмнэх боломжтой аж.
