УИХ-ын чуулганаар Ерөнхий сайд Н.Алтанхуягийг огцруулах асуудлыг хэлэлцэж байна. Хэлэлцэж буй асуудалтай холбоотойгоор гишүүд саналаа хэлж байгаа юм.

Тодруулбал, УИХ-ын гишүүн Д.Лүндээжанцан "Засгийн газрын явуулсан эдийн засгийн бодлого оновчгүй байна гэж бодож байна. Миний сэтгэлийг хоёр зүйл зовоож байна. Нэг нь өр ширний асуудал. Мөнгө олж ирж буй нь сайшаалтай юм. Харин  яаж дарах юм гэдэг нь үнэхээр хэцүү байна. Хоёрт валютын ханш байна. Валютын ханшийн огцом цочмог өсөлт чинь эдийн засагт сөргөөр нөлөөлөөд байна. Үүнээс болж хүн бүхэн хохирч байна. 2016 он хүртэл хүлээнэ гэдэг худлаа юм. Өмнө нь туйлдаад уначих гээд байна. Тэгэхээр энэ ЗГ-т хариуцлага тооцох ёстой" гэв.

 Ц.Оюунгэрэл “Хэнийг ч шүүхээс гэм буруу нь тогтоогдоогүй байхад буруутан хэмээж болохгүй. Гэтэл Ерөнхий сайдыг огцруулах үндэслэл нь гэм буруутай гэж тогтоосон мэтээр асуудал оруулж ирж байна” гэлээ.

Дараагаар нь А.Бакей гишүүн “ АН, МАН бид өөрсдийнхөө гэрийг шатаах гээд байгаа юм биш үү. Бидний гэр бол Монгол гэдэг том айл. Олон түмний бидэнд өгсөн итгэлийг хөсөрдүүлэхгүйн тулд ухаалаг хандах хэрэгтэй байна. Ийм байдлаар бид 2016 онд ард түмний итгэл найдварыг хүлээж чадах уу. Иймд миний зүгээс фракцгүй ардчилсан намын төлөө саналаа нэгтгэхийг уриалж байна” гэсэн юм. Чуулганы хуралдаан үргэлжилж байна. Бид энэ том айлыг сайн авч явж чадахгүй байгаагийн учир нь эв нэгдэлгүйд байна. Эрх баригчид нь өөрсдөө дотроо хагардаг. Сөрөг хүчин муу байх тусмаа сайн гэсэн зарчмаар ажилладаг. Энэ нь бидний муухай харагдуулж байна. Ардчилалын үнэт зүйлээс ухарсан үйлдлийг хийж байна. Улс төрчдийг хэн нь хэн бэ гэдгийг харуулах гэдэг ганцхан шалгуур байдаг юм байна. Энэ нь ердөө л албан тушаал юм байна. Албан тушаалд очихын тулд од шүүрэх гэж буй мэт гүйлддэг. Албан тушаалд очсоныхоо дараа тэнгэрээс буусан юм шиг аашилдаг. Албан тушаалаас нь буусны дараа нь дахинд зүтгэдэг. Ийм бэртэгчин зангаар өдийг хүртэл явж иржээ.  Би журмын нөхөддөө хандаж бидний гэр рүү шийдсэн бусдын чулууг дагуулж бид нэмж чуулуу нүүлгэх нь ямар ашигтай юм бэ гэж хэлмээр байна. АН дотроо эвтэй байя" гэв.