Өнгөрсөн удаад чуулганы хуралдаанаар шүүгчдийн цалинг хууль зөрчиж нэмлээ гээд багагүй маргаан дэгдсэн. Тэгвэл энэ талаар ШЕЗ-ийн дарга Н.Лүндэндорж өөрийн байр сууриа илэрхийлээд байсан. Тэгвэл УИХ-ын зарим гишүүд ч энэ асуудал дээр үг чулуудацгаагаад эхлэв.
Тухайлбал, УИХ-ын гишүүн С.Дэмбэрэл “Багш, эмчийн цалинг шүүгчийн цалинтай барьцуулж ойлгож болохгүй. Шүүх эрх мэдлийн хараат бус байдал төр улсын хэмжүүр болж байдаг. Шүүхэд төсөв мөнгийг нь хангалттай хуваарилж, бие даан, хараат бусаар ажиллах нөхцлийг нь хангаж өгснийхөө дараа шударга ёс, өндөр түвшний ёс зүй шаардана” гэжээ.
Харин Ц.Оюунгэрэл сайд “Шүүгчид өндөр цалинтай хараат бусаар ажиллах ёстой гэдгийг би дэмжиж байна. Ямар ч байсан би шүүхийн төсөв, шүүгчдийн цалин хангамжийн асуудал дээр дэмжсэн байр суурьтай байгаа” гэв.